मुंबई
राज्य शिक्षण मंडळाने जाहीर केलेल्या बारावी बोर्डाच्या निकालानंतर आता सर्वांचे लक्ष १३वी (एफवाय) प्रवेश प्रक्रियेकडे लागले आहे. मुंबई विद्यापीठ प्रशासनाने संलग्नित कॉलेजांसाठीची प्रवेश प्रक्रिया जाहीर केली असून गुरुवार, १ जूनपासून प्रवेशाला सुरुवात होणार आहे. विद्यापीठाने यंदाही प्रवेशपूर्व ऑनलाइन नोंदणी सक्तीची केली आहे. विद्यापीठाच्या mum.digitaluniversity.ac या संकेतस्थळावर ही नोंदणी करता येईल.
मुंबई विद्यापीठाने जाहीर केलेल्या प्रवेश प्रक्रियेनुसार शैक्षणिक वर्ष २०१७-१८ साठी मुंबई विद्यापीठाने प्रथम वर्ष बीए, बीए (फ्रेंच स्टडी, जर्मन स्टडी) बीकॉम, बीएससी, बीएमएम, बीएसडब्ल्यू, बीएससी (आयटी) बीएससी (नॉटिकल सायन्स) बीएससी (होम सायन्स), बीएससी (एव्हिएशन), बीएससी (फॉरेन्सिक सायन्स), बीएससी (हॉस्पिटॅलिटी स्टडी), बीकॉम (बी अॅण्ड आय), बीकॉम (ए अॅण्ड एफ), बीकॉम (एफ अॅण्ड एम) बीएमएस, बीएमएस-एमबीए, बीव्होक, लायब्ररी सायन्स अशा अनुदानित आणि विनाअनुदानित अभ्यासक्रमांसाठी प्रवेशपूर्व ऑनलाइन नोंदणी अनिवार्य आहे.
अर्ज भरताना घ्यावयाची काळजी•प्रवेशपूर्व ऑनलाइन नोंदणी करण्यापूर्वी विद्यार्थ्यांनी कॉलेजमधून प्रवेश अर्ज व माहिती पुस्तिका खरेदी करून माहिती पुस्तिकेनुसार विषय व विषयसमूहाप्रमाणेच (Combination) विषय निवडणे बंधनकारक आहे.•प्रवेशपूर्व ऑनलाइन नोंदणी मल्टिकॉलेजेस, मल्टिकोर्ससाठी (प्रोग्राम) करता येईल.•विद्यार्थ्यांनी शिक्षणक्रमनिहाय नोंदणी अर्जाची प्रत काढून ती संबंधित कॉलेजांमध्ये प्रवेशाच्या विहित प्रक्रियेसाठी योग्य दस्ताऐवजासह सादर करावी.•प्रवेशपूर्व ऑनलाइन नोंदणीठी स्वतःचा स्कॅन केलेला फोटो आणि स्वाक्षरीची सॉफ्ट कॉपी सोबत असणे आवश्यक आहे.•प्रवेशपूर्व ऑनलाइन नोंदणीसाठी विद्यार्थ्याचा स्वतःचा ई-मेल व मोबाइल क्रमांक आवश्यक आहे.•दहावी आणि बारावीच्या गुणपत्रिका सोबत ठेवाव्यात.•विद्यार्थ्याचे शिक्षणक्रमांचे विषय अंतिम करण्याचे अधिकार कॉलेजांच्या प्राचार्यांना असतील याची नोंद घ्यावी.•स्वायत्त कॉलेजातील प्रवेश प्रक्रियेबाबतचे नियम व अधिकार विद्यापीठ व शिखर संस्थांच्या नियमास अधीन राहून कॉलेजांच्या प्रचलित नियमाप्रमाणे असतील.•प्रवेशपूर्व ऑनलाइन नोंदणी ही नमूद केलेल्या कालावधीत होणे गरजेचे आहे.•विद्यार्थ्यांकडे ऑनलाइन प्रवेश नोंदणी अर्जाची प्रत असल्याशिवाय महाविद्यालयात प्रवेश घेऊ शकणार नाहीत.
आहे.•त्यानंतर स्वतःबद्दलची माहिती, शैक्षणिक गुणवत्ता, इ. माहिती भरावयाची आहे.
प्रवेशपूर्व ऑनलाइन नोंदणी प्रक्रिया
•अर्जविक्री : ३१ मे २०१७ ते १५ जून २०१७ पर्यंत (कार्यालयीन दिवस)•प्रवेशपूर्व ऑनलाइन नोंदणी प्रक्रिया : ०१ जून ते १६ जून २०१७•प्रवेश अर्जाची प्रिंट घेऊन कॉलेजात सादर करण्याची तारीख : १६ जून ते २२ जून २०१७ (४.०० वाजेपर्यंत, कार्यालयीन दिवस ) (प्रवेशपूर्व नोंदणी अर्ज आवश्यक) इनहाऊस अॅडमिशन आणि अल्पसंख्याक कोटा प्रवेश या कालावधीत करता येईल.•पहिली मेरीट लिस्ट : २२ जून २०१७ (सायंकाळी ५.०० वाजता)•कागदपत्रे पडताळणी आणि शुल्क भरणे : २३, २७ आणि २८ जून २०१७ ( ४.३० वाजेपर्यंत, कार्यालयीन दिवस)•दुसरी मेरीट लिस्ट : २८ जून २०१७ (सायंकाळी ५.०० वा.)•कागदपत्रे पडताळणी आणि शुल्क भरणे : २९, ३० जून आणि ०१ जुलै २०१७ (४.३० वाजेपर्यंत, कार्यालयीन दिवस)•तिसरी आणि शेवटची मेरीट लिस्ट : ०१ जुलै २०१७ (५.०० वाजता)•कागदपत्रे पडताळणी आणि शुल्क भरणे : ०३, ०४ आणि ०५ जुलै २०१७ ( ५.०० वाजेपर्यंत, कार्यालयीन दिवस)
