महाराष्ट्र आरोग्य विज्ञान विद्यापीठ,नाशिक यांच्याकडून घेण्यात आलेल्या प्रथम वर्षाच्या अंतिम परीक्षेचा निकाल जाहीर झाला असून या परीक्षेमध्ये श्री पांडुरंग प्रतिष्ठान संचलित कर्मयोगी इन्स्टिट्यूट ऑफ नर्सिंग (बी.एस्सी) पंढरपूर महाविद्यालयाचा निकाल ८६.२९% इतका लागला असून यामध्ये प्रथम क्रमांक कावरे आश्लेषा, द्वितीय क्रमांक चौधरी अविष्कार, व तृतीय क्रमांक पवार दिपाली यांनी मिळवला आहे.
याबद्दल अधिक माहिती देताना नर्सिंग महाविद्यालयाचे प्रा. गुरुराज कुलकर्णी म्हणाले की कर्मयोगी बी एस्सी नर्सिंग महाविद्यालयाने प्रथम वर्षात द्वितीय सेमिस्टर मध्ये घवघवीत यश संपादन केले आहे.सुसज्ज लॅब, तज्ञ व अनुभवी प्राध्यापक वर्ग, अत्याधुनिक मशिन्स व विद्यार्थ्यांकडून करून घेण्यात येणारा नियमित अभ्यास हेच या यशा मागचे गमक आहे असे सांगून त्यांनी सर्व यशस्वी विद्यार्थ्यांचे अभिनंदन केले.
श्री पांडुरंग प्रतिष्ठानचे विश्वस्त रोहन परिचारक,कर्मयोगी इंजिनिअरिंग महाविद्यालयाचे प्राचार्य डॉ.एस. पी. पाटील, कर्मयोगी पॉलिटेक्निक प्राचार्य डॉ. ए बी कणसे, कर्मयोगी इन्स्टिट्यूट ऑफ नर्सिंग चे प्राचार्य प्रा.गुरुराज कुलकर्णी , कर्मयोगी इन्स्टिटयूट ऑफ फार्मसीचे प्राचार्य डॉ. एस एम जाधव, रजिस्ट्रार गणेश वाळके तसेच सर्व प्राध्यापक यांनी यशस्वी विद्यार्थ्यांचे अभिनंदन करून पुढील वाटचालीस शुभेच्छा दिल्या.
