पंढरपूर : दि. १७ ऑक्टोबर रोजी कर्मयोगी विद्यानिकेतन प्रशालेमध्ये विद्यार्थ्यांनी घेतली फटाके न फोडण्याची शपथ.
कर्मयोगी विद्यानिकेतन प्रशालेमध्ये दिवाळीच्या काळात फटाके फोडणार नाही, प्रदूषण होऊ देणार नाही. पृथ्वीच्या वातावरणाचे सरासरी तापमान सातत्याने वाढले जाऊन जागतिक तापमानवाढ होते. मानवी क्रियाकलापांमुळे वातावरणात कार्बन डायऑक्साइड आणि मिथेन आणि नायट्रस ऑक्साईड यांसारख्या विषारी वायूंचे उत्सर्जन वाढले आहे. परिणामी या तापमानवाढीमुळे हवामानातील बदल होतात, ज्यामुळे नैसर्गिक आपत्तींची संख्या वाढते आणि अनेक सजीव धोक्यात येतात म्हणूनच कर्मयोगीच्या प्रत्येक विद्यार्थ्याने शपथ घेतली. यावेळी प्रशालेच्या प्राचार्या माननीय प्रियदर्शिनी सरदेसाई मॅडम यांनी विद्यार्थ्यांना दिवाळी सणाचे महत्त्व पटवून दिले आणि फटाके फोडल्यानंतर जो धूर तयार होतो त्याचे दुष्परिणाम काय होतात? तसेच या धुराचा शरीरावर होणाऱ्या दुष्परिणामाबाबत माहिती दिली.
फटाके फोडण्यातून मिळणारा आनंद जीवघेणाआहे.पक्षी,प्राणी,वृक्षवल्ली,निसर्ग या सर्वांना हानी पोहोचवून आपण सुखाने जगू शकतो काय? फटाक्यामुळे क्षणिक आनंद मिळत असला तरी त्याचे परिणाम वर्षानुवर्ष भोगावे लागतात असे त्यांनी विद्यार्थ्यांना समजावून सांगितले. त्याच barobarb फटाक्याच्या कारखान्यांमध्ये राबणारे कामगार आणि बालकामगार यांना त्वचेचा आणि फुफुसांचा कर्करोग होतो. ज्या मुलांचे शिक्षण घेण्याचे वय असते त्या मुलांना शिक्षणापासून वंचित राहून पोट भरण्याचे साधन म्हणून फटाके बनवण्याच्या कारखान्यात कामाला घेतले जाते.
अशाप्रकारे प्रशालेतील सर्व विद्यार्थी, शिक्षक व शिक्षकेतर कर्मचारी या सर्वांनी फटाके न फोडण्याची शपथ घेतली आणि निसर्गाचा ऱ्हास आणि हानी पुण्यापासून वाचवली.
