अंकुश गाजरे यांना मनोरमा साहित्य पुरस्कार

पंढरपूर प्रतिनिधी

   शेळवे (ता. पंढरपूर) येथील युवा ग्रामीण साहित्यिक अंकुश गाजरे यांना मनोरमा परिवार सोलापूर यांच्या वतीने देण्यात येणारा 2017 चा मनोरमा साहित्य पुरस्कार जाहीर झाला आहे.हा पुरस्कार गाजरे यांच्या “गावमातीतली माणसं” या व्यक्तिचित्र संग्रहास जाहीर झाला आहे.रोख रक्कम 5 हजार रुपये ,स्मृतिचिन्ह व प्रमाणपत्र असे या पुरस्काराचे स्वरूप आहे.हा पुरस्कार माजी केंद्रीय ग्रहमंत्री सुशीलकुमार शिंदे ,जेष्ठ लेखक डॉ.द.ता.भोसले यांचे शुभहस्ते दिनांक 25 रोजी रंगभवन सभागृह ,सोलापूर येथे गाजरे यांना प्रदान करण्यात येणार आहे.अंकुश गाजरे यांची चार पुस्तके प्रकाशित झाली आहेत.हा  मानाचा पुरस्कार मिळाल्याबद्दल लेखक अंकुश गाजरे यांचे साहित्य क्षेत्रातून अभिनंदन होत आहे.

 

मुख्य संपादक-भगवान गणपतराव वानखेडे