चिक्की प्रकरणात पालकमंञी पकंजा मुंडेना क्लिन चिट

निलेश चाळक बीड : बालकांसाठी खरेदी केलेल्या खाद्यपदार्थाच्या खरेदी प्रकरणात कसलाही भ्रष्टाचार आणि अनियमितता आढळून आली नसल्याने लाचलुचपत प्रतिबंधक विभागाने (एसीबी) राज्याच्या ग्रामविकास आणि महिला बालविकास मंत्री  पंकजा  मुंडे यांना क्लिन चीट दिली आहे. या प्रकरणावरून  पंकजा मुंडेंना टार्गेट करणारे विरोधक पुन्हा एकदा चांगलेच तोंडावर आपटले आहेत. 

 राष्ट्रवादी काँग्रेसचे धनंजय मुंडे आणि काॅग्रेस नेते सचिन सावंत यांनी यांनी याप्रकरणी  मुंडे यांच्यावर सातत्याने आरोप केले होते. धनंजय मुंडे यांनी बुधवारी जेंव्हा विधान परिषदेत या प्रकरणाच्या चौकशीच्या स्थिती बाबत विचारणा केली तेंव्हा मुख्यमंत्र्यांनी एसीबीने अहवाल सादर केल्याचे सांगत याप्रकरणी शासनाने अद्याप कोणतेही पाऊल उचलले नसल्याचे सांगितले होते.   मुंडे यांच्या सूचनेनुसार १३ फेब्रुवारी २०१५ रोजी सिंधुदुर्ग सहकारी संस्थेला १२३ कोटी रुपयांच्या चिक्की पुरवठ्याचा आदेश देण्यात आला होता, आणि संबंधित संस्थेने निकृष्ट दर्जाच्या मालाचा पुरवठा केला होता. परंतु या सर्व प्रकारात कोणताही भ्रष्टाचार झाला नाही अथवा त्यात अनियमितता आढळून आली नसल्याचे एसीबीने आपल्या अहवालात नमूद केले आहे. 

धनंजय मुंडे, सावंत तोंडघशी