बोंडअळीमुळे नुकसान झालेल्या कपाशीचे पंचनामे सुरू

बीड : बोंडअळी व तुडतुड्यामुळे कपाशीचे मोठे नुकसान झाले आहे. यासंदर्भात पंचनामे करण्याचे आदेश दोन दिवसांपूर्वी शासनस्तरावर काढण्यात आले होते.त्याची अंमलबजावणी करीत बीड तालुका कृषी कार्यालय व तहसील प्रशासनाच्या वतीने पंचनामे करण्यास सुरवात झाली आहे. 

गेल्या दोन महिन्यापासून खरीपातील कापूस अंतिम टप्प्यात असताना कपाशीने या पिकाला घेरले आहे. उत्पादनावर झालेला खर्च व हातातोंडशी आलेले पिक वाया जात असल्याने शेतकऱ्यांना दुहेरी फटका बसत होता. विविध संघटना, शेतकरी व विरोधी पक्षाच्या वतीने पंचनामे करून नुकसान भरपाई देण्याची मागणी होत होती. त्यानुसार नुकसान झालेल्या पिकाचे पंचनामे कररण्याचे आदेश संबंधित यंत्रणेला देण्यात आले असून बीड तालुक्यात त्याची प्रत्यक्षात अंमलबजावणी होत आहे. गुरूवारी तालुका कृषी कार्यालय व महसूलच्या वतीने तालुक्यातील कामखेडा येथील मोहम्मद शेख यांच्या शेतातील कपाशीची पाहणी केली. यावेळी मंडळ कृषी अधिकारी आत्माराम वाव्हळ, हनुमंत काळे, तलाठी श्रीमती शीतल चाटे, कृषी सहायक बुद्धभूषण मानेश्वर यांच्या अधिकारी उपस्थित होते.

 

मुख्य संपादक-भगवान गणपतराव वानखेडे