संग्राम पाटील यांच्या वाढदिवसानिमित्त विविध कार्यक्रमांचे आयोजन

भंडीशेगांव, ः अखिल भारतीय यलमार समाज संघटनेचे अध्यक्ष संग्राम पाटील यांच्या वाढदिवसानिमित्त श्रीराम शेतकरी बचत गटाच्यावतीने विविध कार्यक्रमांचे आयोजन करण्यात आले आहे. यामध्ये आज सोमवार दि. 8 ऑक्टोंबर रोजी वृक्षारोपण व खाऊ वाटपाचा कार्यक्रम करण्यात आला. 

एच.आय.व्ही. बाधित अनाथ मुलांचे वसतीस्थान पालवी संस्थेमध्ये भाजपाचे ज्येष्ठ नेते गिरीष आराध्ये यांचे हस्ते खाऊ वाटप करण्यात आला. यावेळी रिपाइं युवक आघाडीचे प्रदेश संघटक दिपक चंदनशिवे, डॉ. अनिल कंडरे, डॉ.श्रीधर यलमार, अमोल पवार, सुहास गुराडे, प्रल्हाद व्होटे, संस्थेच्या अध्यक्षा मंगलताई शहा उपस्थित होत्या.
रायझिंग इंग्लिश मिडियम स्कूल, इसबावी या ठिकाणी डॉ. श्रीधर यलमार यांच्या हस्ते विद्यार्थ्यांना खाऊ वाटप करण्यात आला. यावेळी प्राचार्या एस. नागणे, दिपाली सरडे, जयश्री कुंभारे संजय गुरव आदी उपस्थित होते. 
भंडीशेगांव येथे वृक्षारोपणाचा कार्यक्रम पंचायत समिती सदस्या सौ. पल्लवीताई कंडरे यांच्या हस्ते करण्यात आला. यावेळी शाळा व्यवस्थापन समितीचे अध्यक्ष सावता ननवरे, डॉ.श्रीधर यलमार, डॉ. अनिल कंडरे, बचत गटाचे अध्यक्ष शकील काझी, उपाध्यक्ष गणेश रत्नपारखी, सचिन यलमार आदींसह अनेकजण उपस्थित होते.