(समस्या पंढरीच्या भाग-1) शाॅपींग सेंटर मागील बाजुस घाणीचे साम्राज्य… पंढरपूर नगरपरिषद प्रशासनाचे दुर्लक्ष

पंढरीतील स्वातंत्र्यवीर सावरकर चौकानजीकच्या इंद्रप्रस्थ शाॅपींग सेंटरच्या मागील बाजुस सर्वत्र घाणीचे साम्राज्य पसरले आहे. याठिकाणी वरील बाजुने ड्रेनेजचे गळणारे घाण पाणी थेट मागील बाजुच्या शाॅपींग सेंटर समोर पडते.

हे घाण पाणी येथील मुख्य रस्त्यावर साठुन राहिल्याने या परिसरात सर्वत्र दुर्गंधी पसरलीय. डासांचा प्रादुर्भाव वाढला आहे. जेथे पाणी साठलेय त्याला लागुनच एक काॅम्प्युटर इन्स्टिट्यूट आहे. महाराजा बेकरी व सद्गुरु स्वीटस ही प्रसिद्ध बेकरी खाद्यपदार्थ विकणाऱ्या फर्मही नजदीकच आहेत . या फर्ममधील खाद्यपदार्थ येथूनच नेले जातात. इंद्रप्रस्थ च्या वरच्या मजल्यावर काही हाॅस्पिटलस आहेत येथे रूग्ण घेऊन येणाऱ्या अॅम्ब्युलन्स ही या घाणीच्या मार्गावरच थांबवाव्या लागतात.

एकुणच येथे येणारे विद्यार्थी, नागरिक, रूग्ण आदी सर्वांनाच येथे पसरलेल्या घाणीच्या साम्राज्याचा त्रास सहन करावा लागत आहे. परंतु या प्रश्नाकडे नगरपरिषदेच्या संबंधित प्रशासकीय विभागाचे दुर्लक्ष असल्याने गेल्या अनेक वर्षांपासून हा प्रश्न ‘जैसे थे’ प्रलंबित आहे. काही दिवसांपूर्वी यासंबंधी काही महाविद्यालयीन विद्यार्थ्यांनी नगरपरिषदेकडे तक्रार ही केली होती. परंतु नगरपरिषदेच्या काही कर्मचाऱ्यांनी येथील पहाणी करण्याव्यतिरिक्त अद्याप कोणतीही कार्यवाही केली नसल्याचे समजते.

पंढरपूर नगरपरिषदेच्या नगराध्यक्षा सौ.साधनाताई नागेश भोसले यांनी स्वतः या प्रश्नाकडे लक्ष देऊन तो सोडविण्यासाठी प्रयत्न करावेत. अशी मागणी होत आहे.
*खालील ठिकाणाहून वरील ड्रेनेजचे घाण पाणी गळते.