यशस्वी नाही होता आले तर चालेल पण आई-वडीलांच्या नजरेत चांगला पुत्र व्हा – भुषण जगताप

   पंढरपूर सिंहगड मध्ये 

“जगाव तर शिवबा सारखं मरावं तर शंभुराजे सारखं” या विषयांवर व्याख्यान

पंढरपूर (प्रतिनिधी) छत्रपती शिवाजी महाराजांच्या ४०० वर्षापूर्वीच्या माणसांमध्ये निष्टा होती. आज आपण थोर महापुरुषाच्या जयंत्या का साज-या करायच्या हा विचार आम्ही कधी करतो का? शिवजयंती साजरी एवढयासाठी साजरी करायची कि, शिवाजी महाराजाचे विचार हे समाजातील तळागाळातील लोकापर्यंत पोहले पाहिजेत. आज महाराष्ट्राची अवस्था खूप भयानक आहे हे आपल्या कोपर्डी प्रकरणावरून लक्षात येते. हाच का शिवबाचा महाराष्ट्र. अनेक अत्याचार होत आहेत. आधुनिक महाराष्ट्र आज असल्याचे दिसत नाही. महाराष्ट्र संस्कुतीचा विसर पडत चालला आहे. आपल्या महाराष्ट्राच्या मातीला फार मोठा इतिहास आहे. हे तुम्ही-आम्ही विसरून चालणार नाही. सद्या आरामात सुख लोकांना पाहिजे आहे. आरामी राहिलेला माणूस कधीच इतिहास घडवत नाही. जीवनात जे लोक यशस्वी होतात अश्या लोकांचा स्टो-या लिहल्या जातात, पूर्वीचा माणूस हा कष्टकरी होता म्हणून इतिहास घडला. शिवकालीन महाराष्ट्र आज नाही कारण शिवाजी महाराजांच्या काळात शेतक-यांना, मावळ्यांना सन्मान होता. म्हणून ते महाराजांसाठी मरण्यास तयार होते. काही नसताना स्वराज्य निर्माण केले. शिवाजी महाराज हे सर्वांबद्दल आदर असणारे राजे होते. ज्या जवानांनी भारत मातेसाठी बलिदान दिले आणि शेतक-यांमुळे आपणास अन्न मिळते यांचा आपण आदर केला पहिजे. झोपतानारोज संध्याकाळी सीमेवर आपल्या देशाचे संरक्षण करणा-या जवानांचे आणि शेतक-यांचे आभार मानले पाहिजेट कारण आज आपण त्यांच्या मुळेच सुखरूप आहोत. तुम्ही काहीही करा पण नीती सोडू नका. महाराष्ट्राच्या आत आत्मीतेसाठी  जीवन जगा. तुम्हाला कोणत्याही क्षेत्रात यशस्वी नाही होता आले तर चालेल तुम्ही तुमच्या आई-वडीलांच्या नजरेत चांगला  पुत्र व्हा असे मत पंढरपूर सिंहगड अभियांत्रिकी महाविद्यालयात शिवश्री भुषण भास्कर जगताप यांनी व्यक्त केले.

📲पंढरपूर लाईव्ह वरील ताज्या बातम्या पहाण्यासाठी खालील लिंकला क्लीक करुन आपल्या मोबाईलमध्ये डाऊनलोड करा, पंढरपूर लाईव्ह चे अँड्रॉईड अ‍ॅप्लीकेशन.https://play.google.com/store/apps/details…➡️पंढरपूर लाईव्ह वर आपल्या बातम्या व जाहिराती देण्यासाठी संपर्क साधा- 7972287368, 7083980165कार्यालय- शिवयोगी मंगल भवन, कर्मयोगी नगर, लिंक रोड, पंढरपूरMail- livepandharpur@gmail.com