पंढरपूर सिंहगड म्हणजे ग्रामीण भागातील विद्यार्थ्यांना दर्जेदार शिक्षण देणारी संस्था – प्रा. राजकुमार डोंबे

● मेकॅनिकल इंजिनिअरींग विभागाचा पालक मेळावा उत्साहात

पंढरपूर (प्रतिनिधी) ग्रामीण भागातील विद्यार्थ्यांना दर्जेदार व चांगल्या प्रकारे कमी खर्चात शिक्षण देणारी संस्था म्हणजे सिंहगड ची ओळख निर्माण झाली आहे. विद्यार्थ्यांच्या सर्वांगीण विकासासाठी सिंहगड कॉलेजमधील सर्व शिक्षक हे मेहनत घेत आहेत त्यामुळेच माझा मुलगा आता चांगल्या कंपनीत नोकरी मिळू शकला आणि त्याला त्या कंपनीत चांगले पॅकेज मिळाले असल्याचे पालक डोंबे म्हणाले. पालक प्रतिनिधी जैनुद्दीन मुलाणी मनोगत व्यक्त करताना म्हणाले, सर्वसामान्य व गरीब कुटुंबातील मुलांना शिक्षण देणारी संस्था म्हणजे पंढरपूर सिंहगड असून या सिंहगड शैक्षणिक संस्थेतील प्राचार्य डाॅ. कैलाश करांडे यांच्या सह सर्वच कर्मचारी अगदी प्रामाणिक पणे विद्यार्थ्यांच्या सर्वांगीण विकासासाठी मेहनत घेत आहेत अगदी अल्पावधीतच पंढरपूर सिंहगड अभियांत्रिकी महाविद्यालयाने चांगली गुणवत्ता व चांगले विद्यार्थी घडवले असल्याचे मत मुलाणी यांनी व्यक्त केले.