पोलिस निरीक्षक दयानंद गावडे यांची पंढरपूर येथे नेमणूक करण्याची आदिम विकास परिषदेची मागणी

पंढरपूर (प्रतिनिधी)- पंढरपूर हे राज्यातील सर्वात मोठे तिर्थक्षेत्र आहे. त्याच बरोबर गुन्हेगारी क्षेत्र ही मोठ्या प्रमाणात आहे. यासाठी पंढरपूर शहरातील कायदा व सुव्यवस्था राखण्यासाठी एका खमक्या पोलिस अधिकाऱ्याची पंढरपूर येथे नेमणूक होणे आवश्यक आहे. यापूर्वी पोलिस निरीक्षक दयानंद गावडे यांनी पंढरपूर शहर पोलिस स्टेशन, पंढरपूर तालुका पोलिस स्टेशन, श्री विठ्ठल मंदिर सुरक्षा विभाग येथे काम केलेले आहे.  त्यांनी पंढरपूर येथे नेमणूकीस असताना पंढरपूर शहरातील गुन्हेगारांवर कारवाई करीत चांगल्या प्रकारे कार्य केलेले आहे. त्यामुळे पुन्हा एकदा त्यांची पंढरपूर येथे बदली करण्याची मागणी पंढरपूरचे उपविभागीय पोलिस अधिकारी डॉ.सागर कवडे यांच्याकडे आदिम विकास परिषदेचे सोलापूर जिल्हाध्यक्ष नागेश अधटराव यांनी निवेदनाद्वारे केली आहे.