स्मार्ट इंडिया हॅकॅथाॅन स्पर्धेत पंढरपूर सिंहगडच्या विद्यार्थ्यांचे यश

    पंढरपूर (प्रतिनिधी) गुवाहाटी (आसाम) येथील गिरीजानंद चौधरी इन्स्टिट्यूट ऑफ मॅनेजमेंट अँड टेक्नाॅलाॅजी या नोडल सेंटर मध्ये आयोजित केलेल्या स्मार्ट इंडिया हॅकॅथाॅन-२०१९ स्पर्धेत पंढरपूर सिंहगडच्या विद्यार्थ्यांनी स्टॅस्टीक अँड पी. आय. या मिनिस्ट्रिच्या कक्षेतील स्पर्धेत द्वितीय क्रमांकांचे बक्षिस कोर्टी (ता.पंढरपूर) येथील एस के एन सिंहगड कॉलेज ऑफ इंजिनिअरींग महाविद्यालयातील विद्यार्थ्यांनी सहभागी होऊन द्वितीय क्रमांक मिळविला असल्याची माहिती महाविद्यालयाचे प्राचार्य डॉ. कैलाश करांडे यांनी दिली.      स्मार्ट इंडिया हॅकॅथाॅन -२०१९ या राष्ट्रीय स्पर्धेसाठी भारतातून ५५००० (पंचावन्न हजार) ग्रुप ने सहभागी होण्यासाठी अर्ज दाखल केला होता. या पैकी (१४००) एक हजार चारशे ग्रुप ची निवड झाली होती. यामध्ये पंढरपूर येथील एस के एन सिंहगड अभियांत्रिकी महाविद्यालयातील दोन टीम ची निवड झाली होती. यातील एक टीम हैद्राबाद येथील सी.एम.आर. कॉलेज ऑफ इंजिनिअरींग मध्ये सहभागी झाले होते तर दुसरी टिम गुवाहाटी, आसाम, येथील गिरीजानंद चौधरी इन्स्टिट्यूट ऑफ मॅनेजमेंट अँड टेक्नाॅलाॅजी या नोडल सेंटर मध्ये पंढरपूर सिंहगडच्या विद्यार्थ्यांनी स्टॅस्टीक अँड पी. आय. या मिनिस्ट्रिच्या कक्षेतील स्पर्धेत द्वितीय क्रमांकांचे बक्षिस मिळविले. यामध्ये सहभागी झालेले विद्यार्थी शुभम तांदळे, सुनिल खारे, वैभवी कुलकर्णी, पुजा गायकवाड, अबिता वावरे आणि विशाल लवटे यांचा समावेश होता. या टीम सोबत तुषार निंबाळकर सह प्रा. प्रकाश गडेकर यांनी मेंटाॅर म्हणून काम पाहिले.