जे लोक आपल्या बॅंक खात्यांमध्ये १५ लाख रुपये जमा होण्याची वाट पाहात आहेत, त्यांना याहून मोठी रक्कम बॅंक खात्यात जमा होताना दिसू शकेल. मुंबई पोलीस पुढील काही दिवसांत ४९० कोटी रुपये बॅँक खात्यात ट्रान्सफर करणार आहे. अर्थात ही रक्कम त्या गुंतवणूकदारांना मिळणार आहे, ज्यांचे पैसे गेल्या दोन दशकांत विविध योजनांमध्ये डुबले आहेत.
पोलिसांच्या सूत्रांनुसार, या रकमेचे वाटप करण्याबाबत न्यायालयाचे आदेश आहेत. ज्यांनी हजारो गुंतवणूकदारांनी ठकवले अशा ११ मोठ्या कंपन्यांची मालमत्ता विकून ही रक्कम मिळाली आहे. यापैकी काहींचे ५० हजार तर काहींचे २० ते २५ लाख रुपये बुडित खात्यात गेले होते. या ११ कंपन्यांमधील गुंतवणूकदारांना ही रक्कम मिळणार आहे. या कंपन्यांची नावे पोलिसांनी अद्याप गुलदस्त्यात ठेवली आहेत.
या पैशांचं वाटप करण्याची प्रक्रीया येत्या काही दिवसांत सुरू होईल. यासाठी भायखळ्याला एक विशेष कक्षही स्थापन करण्यात आला आहे. या कक्षाच्या जागेसाठी पोलिसांनी आधी अनेक जागा पाहिल्या. अखेर भायखळा वाहतूक पोलीस प्रशिक्षण केंद्र इमारतीत हा कक्ष उघडण्याचे ठरले, कारण इथे गुंतवणूकदारांची गर्दी झाल्यास तिचे नियोजन करण्यास खूप जागा आहे.
सर्वात जलद, सर्वात लोकप्रिय! पंढरपूर लाईव्ह वर आपल्या व्यवसायाची जाहिरात द्या.. अल्पदरात!! मुख्य संपादक-भगवान वानखेडे संपर्क- 8308838111
