Pandharpur Live-कोरोनाच्या पार्श्वभुमीवर सर्वत्र लॉकडाऊन असल्यामुळे या काळात सर्वांनाच जीवनावश्ऐख वस्तुंचा पुरवठा होणं अत्यावश्यक आहे. ही गरज ओळखून पंढरपूर तालुक्याच्या लक्ष्मी टाकळी येथील ग्रामस्थांना शिव भाजीपाला वाटप केंद्रामार्फत मोफत घरपोहोच भाजीपाला देण्याचं कार्य शिवसेनेचे माजी उपजिल्हाप्रमुख महेश देविदास साठे करत आहेत.
छत्रपती बहुद्देशीय संस्था व एम.डी. साठे मित्रपरिवार ग्रुप यांच्या वतीने मौजे टाकळी येथील नागरिकांना वेगवेगळ्या प्रकारच्या भाज्यांचे कीट घरपोहोच देण्यात येत आहे. त्यांच्या या कार्यामुळे लक्ष्मी टाकळी येथील सर्वसामान्यांना मोठा आधार मिळाल्याची भावना संभाजी ब्रिगेड पुणे विभागाचे अध्यक्ष किरण घाडगे, अखिल भारतीय मराठा महासंघाचे जिल्हाध्यक्ष अर्जुन चव्हाण व विजय प्रताप युवा मंचचे अध्यक्ष दिपकदादा वाडदेकर यांनी व्यक्त केली आहे.
