पंढरपूर लाईव्ह ऑनलाईन-
पुणे विभागातील चार उपजिल्हाधिकारी आणि पाच तहसिलदारांच्या बदल्या करण्याचा आदेश महाविकास आघाडी सरकारने काढला आहे. सोमवारी सायंकाळी उशिरा हे आदेश काढण्यात आले असल्याची माहिती प्रशासनाकडून प्राप्त झाली आहे. पुणे जिल्ह्यातील विभागीय आयुक्त कार्यालयातील उपजिल्हाधिकारी सीमा होळकर यांची बदली करण्यात आली आहे. त्यांना पुणे विभागीय आयुक्त कार्यालयातील महसूल विभागात उपजिल्हाधिकारी म्हणून बदली करण्यात आली आहे .
उपविभागीय अधिकारी कोरेगाव कीर्ती नलावडे यांची बदली सातारा येथे पुनर्वसन अधिकारी म्हणून करण्यात आली आहे. तर उपविभागीय अधिकारी सोलापूर ज्योती पाटील यांची बदली उपविभागीय अधिकारी कोरेगाव या ठिकाणी करण्यात आली आहे.
या पाच तहसिलदारांच्याही बदल्या
पुणे विभागातील पाच तहसिलदारांच्या बदल्या करण्यात आल्या आहेत. पुणे येथील पुनर्वसन कार्यालयातील तहसिलदार विवेक साळुंके यांची बदली सोलापूर येथे जिल्हा पुरवठा अधिकारी म्हणून करण्यात आली आहे. शुभांगी फुले पुनर्वसन तहसिलदार सातारा यांची बदली पुणे येथे सर्वसाधारण शाखेत करण्यात आली आहे. तर उपप्रबंधक एमआरटी तहसिलदार दिगंबर रौंदळ यांना या ठिकाणी मुदतवाढ देण्यात आली आहे. पुणे येथील पुनर्वसन कार्यालयातील तहसिलदार सुरेखा दिवटे यांना विभागीय आयुक्त कार्यालयातील पुनर्वसन कार्यालयात नियुक्त करण्यात आले आहे. तर सचिन लंगुटे तहसिलदार आटपाडी यांना सोलापूर येथे सर्वसाधारण शाखेत नियुक्त करण्यात आले आहे.
