Pandharpur: लायन्स क्लब पंढरपूर ड्रीमच्या वतीने पंढरपूर शहर पोलीस स्टेशन मधील पोलीस बंधू भगिनींची आरोग्य तपासणी

Pandharpur: लायन्स क्लब पंढरपूर ड्रीमच्या वतीने पंढरपूर शहर पोलीस स्टेशन मधील पोलीस बंधू भगिनींची आरोग्य तपासणी

Loading

पंढरपूर लाईव्ह न्यूज: लायन्स क्लब पंढरपूर ड्रीमच्या वतीने दिनांक १८ सप्टेंबर २०२५ रोजी सकाळी ९. ०० वाजलेपासून पंढरपूर शहर पोलीस स्टेशन मधील सर्व पोलीस बंधू भगिनींची आरोग्य तपासणी करण्यात आली.

या कॅम्पचे उदघाट्न वरिष्ठ पोलीस निरीक्षक श्री. विश्वजित घोडके यांनी केले. या कॅम्प मधे पोलीस बांधवांची शारीरिक तपासणी करण्यात आली. लायन्स क्लबचे सदस्य व पंढरपूरातील तज्ञ फिजिशियन लायन डॉ. नीरज दोडके एम डी.मेडिसिन (गोल्ड मेडॅलिस्ट)यांनी ही तपासणी केली. त्यात शुगर, हिमोग्लोबिन, SPO2, HBA1C, लिपिड प्रोफाईल (कोले स्टे्रॉल, थायरॉईड,क्रिएटीनीन व जरुरी प्रमाणे ECG या तपासण्या पूर्णपणे मोफत करण्यात आल्या. व डॉक्टरांकडून योग्य तो वैद्यकीय सल्ला देण्यात आला.रिपोर्ट्स मिळाल्यानंतर फायनल सल्ला देण्यात sKin येईल असे आश्वासन डॉक्टरांनी दिले.

क्लबसदस्य त्वचारोगतज्ञ लायन डॉ. प्रियांका दोडके एम डी Skin & VD यांनी जवळपास ४० पोलीस बांधवांची पूर्वी असलेल्या व आत्ता निदान झालेल्या त्वचारोगाची तपासणी केली व औषधोपचार सुचवले.
लायन क्लब पंढरपूर ड्रीमचे अध्यक्ष व अस्थीरोगतज्ञ लायन डॉ मंदार सोनवणे MBBS D ORTHO यांनी प्रथमतः मशीनद्वारे हाडांची ठिसूळता तपासून घेतली. व रिपोर्टनुसार रुग्णांना उपचार सुचवले. हाडाच्या इतरही विकारावर सल्ला दिला उपचार सुचवले.

अतिशय शिस्तबद्ध अशा पद्धतीने हा कॅम्प सुरु असताना सहाय्यक पोलीस अधीक्षक, मा. प्रशांत डगळे साहेब IPS उपविभागीय पोलीस अधिकारी पंढरपूर विभाग पंढरपूर यांनी कॅम्पला भेट दिली. कॅम्प घेणाऱ्या सर्व लोकांचा सन्मान केला व अतिशय समाधान व्यक्त केले. लायन्स क्लबला इतर उपक्रमांसाठी सहकार्य करण्याचे आश्वासन देऊन पोलिसांसाठी आवश्यक असलेली सेवाकार्य घेण्याची अपेक्षा व्यक्त केली. लायन अध्यक्ष डॉ. मंदार सोनवणे यांनी त्यांची अपेक्षा आनंदाने मान्य केली.

रक्ततपासणी कामी डॉ. ऋचा सोनवणे मेडिकल ऑफिसर यांची खूप मोठी मदत झाली.एकूण ९७ स्त्री पुरुष कर्मचाऱ्यांची तपासणी झाली. प्रत्येकाची कम्पलसरी रक्ततपासणी केली गेली. 30 व्यक्तींचा ECG झाला.

हा कॅम्प यशस्वी होण्यासाठी पोलीस बांधव श्री. विठ्ठल विभुते, श्री. वैभव कोळवले, श्री. चेतन पाटील व इतर यांनी खूप सहकार्य केले.
तसेच लायन्स क्लबच्या प्रशासक ला.ललिता कोळवले, सेक्रेटरी, ला.कृत्तांजली सावंत, खजिनदार ला. गणेश यलमार पाटील यांचे योगदान महत्वाचे होते.

Comments

No comments yet. Why don’t you start the discussion?

Leave a Reply

Your email address will not be published. Required fields are marked *