देशात गुन्हेगारीच्या घटनांमध्ये दिवसेंदिवस वाढ होत आहे. गुन्हेगारांच्या मुसक्या आवळण्यासाठी पोलिस प्रशासनाने कठोर पाऊलं उचलण्यास सुरूवात केली आहे.
बिहारच्या मुझफ्फरपूरच्या साक्रा पोलीस स्टेशन हद्दीतील दर्धा गावात ही धक्कादायक घटना घडली. या घटनेनं परिसरात मोठी खळबळ उडाली आहे. दीपक निर्गम (वय ३२) असं हत्या झालेल्या पोलीस कर्मचाऱ्याचं नाव आहे. दीपक हे साक्रा पोलीस ठाण्यात कर्तव्यास होते.
सोमवारी रात्री त्यांच्या पथकाला दर्धा गावातील गंडक नदीकाठावरील घरात अवैध्य दारू विक्री सुरू असल्याची मिळाली होती. माहिती मिळताच, पोलिसांनी घटनास्थळ गाठून दारूविक्रेत्यांना घेरले. यावेळी दारूविक्रेत्यांनी पोलिसांवर हल्ला चढवला. यावेळी दोन आरोपींनी दीपक यांच्यासह एका पोलीस कर्मचाऱ्याला नदीत खेचत मारहाण केली.
मारहाणीत गंभीर जखमी झालेल्या दीपक यांचा पाण्यात बुडून मृत्यू झाला. दरम्यान, दीपक यांच्या इतर साथीदारांनी त्यांचा शोध घेण्याचा प्रयत्न केला. बऱ्याच वेळानंतर दीपक यांचा मृतदेह पाण्यात आढळून आला. दीपक यांच्यासोबत असलेल्या एका पोलीस कर्मचाऱ्याने सांगितले की, आम्ही ड्युटीवर नव्हतो, त्यानंतरही आम्हाला ड्युटीवर पाठवण्यात आले.
छापा मारण्यासाठी आम्ही नदीच्या काठावर पोहोचलो तेव्हा दूरवर दिवे जळताना दिसत होते. जवळ गेल्यावर दोन दारू माफियांशी भांडण झाले आणि त्यानंतर दोघांनी दिव्याला नदीत बुडवले. इतर साथीदार पोहोचले तोपर्यंत मृतदेह पाण्याखाली गेला होता, रात्री 2 ते 3 च्या सुमारास मृतदेह आढळून आला. दरम्यान, याप्रकरणी पोलिसांनी आरोपींविरोधात गुन्हा दाखल केला असून त्यांचा शोध सुरू केला आहे.
