निलेश चाळक बीड प्रतिनीधी – ऊसदरावर तोडगा काढण्यासाठी मंगळवारी (ता. 28) आयोजित शेतकरी, कारखानदारांच्या बैठकीत ऊसदर जाहीर केला जात नसल्याने शेतकरी संघर्ष समितीचे अध्यक्ष गंगाभीषण थावरे यांनी विष घेण्याचा प्रयत्न केला.एका महिन्यापासून ऊस उत्पादकांच्या आंदोलनामुळे तालुक्‍यात कायदा व सुव्यवस्थेचा प्रश्न गंभीर बनला होता. त्यामुळे तहसील कार्यालयात मंगळवारी कारखानदार, शेतकरी व आंदोलनकर्ते यांची बैठक घेण्यात आली. या बैठकीला उपविभागीय अधिकारी महेंद्र कांबळे, तहसीलदार एन. जी. झंपलवाड, साखर सहसंचालकांचे प्रतिनिधी शेख रशीद यांची उपस्थिती होती.तालुक्‍यातील साखर कारखान्यांच्या प्रतिनिधींसोबत बैठकीत तीन तास चर्चा होऊनही ऊसदराचा तिढा सुटत नसल्याने संतप्त होऊन थावरे यांनी विष घेऊन आत्महत्येचा प्रयत्न केला.

 

मुख्य संपादक-भगवान गणपतराव वानखेडे