पंढरपूर LIVE 13 जानेवारी 2018
केंद्र शासनाच्या स्वच्छ भारत अभियाना अंतर्गत राबविण्यात येणा-या स्वच्छ
सर्व्हेक्षण २०१८ यशस्वी करण्यासाठी शहरातील नागरिकांनी सहकार्य
करावे – मा.आमदार प्रशांतराव परिचारक
पंढरपूर नगरपरिषद व बँक ऑफ इंडिया यांच्यावतीने शहरातील नागरीकांना १० हजार कापडी पिशव्याच्या वाटपाचा शुभारंभ आमदार प्रशांतराव परिचारक यांच्या शुभहस्ते, नगराध्यक्षा साधनाताई नागेश भोसले यांच्या अध्यक्षतेखाली, माजी नगराध्यक्ष व विद्यमान नगरसेवक दगडु धोत्रे, पक्षनेते अनिल अभंगराव, गुरुदास अभ्यंकर, बँक ऑफ इंडियाचे मुख्य प्रबंधक तितरे व माजी उपनगराध्यक्ष नागेश भोसले यांच्या प्रमुख उपस्थितीत संपन्न झाला. यावेळी बोलताना आमदार प्रशांतराव परिचारक यांनी सांगितले की, केंद्र शासनाने स्वच्छ भारत अभियाना अतंर्गत ४ जानेवारी २०१८ पासुन स्वच्छ सर्व्हेक्षण २०१८ हे अभियान सुरु केले असुन संर्पुण महाराष्ट्रासह भारतभर हे अभियान राबविण्यात येत आहे. या स्वच्छ अभियान अंतर्गत देशातील सर्व शहरे व ग्रामीण भाग हगणदारी मुक्त झाली त्या प्रमाणे शहराची वाढती लोकसंख्या विचारात घेवुन शहरामध्ये होणारा कचरा याचा विचार करता घन कचरा व्यवस्थापन अंतर्गत शहरे स्वच्छ व सुंदर व्हावीत या उदात्त हेतुने हे अभियान राबविण्यात येत आहे. संपुर्ण देशात प्लास्टीक कच-याचा प्रश्न गंभीर होत चालला आहे. शहरामध्ये निर्माण होणारा कचरा व या कचर्याचे विलगीकरण करुन या कच-यावर प्रक्रीयाकरुन खत निर्मीती करण्यात येणार आहे. त्यामुळे शहर स्वच्छ राहावे व नागरिकांचे आरोग्य चांगले राहावे या हेतुने पंढरपूर शहरातील नागरिकांनी पंढरपूर शहर स्वच्छ व सुंदर होण्यासाठी शहरातील सर्व व्यापारी, व्यवसायीक, रहीवाशी,भाविक, मठ व मंगल कार्यालय व इतर नागरिकांनी आपल्या घरामध्ये अथवा व्यवसायाच्या ठिकाणी ओला कचरा व सुका कच-यासाठी दोन स्वतंत्र डबे ठेवावेत व नगरपरिषदेने कचरा गोळा करण्यासाठी घंटागाडी आपल्या दारा पर्यंत उपलब्धकरुन दिली आहे. त्या घंटागाडीतच आपला कचरा द्यावा व कोणत्याही परिस्थितीत आपला कचरा कचरा कुंडीत टाकु नये. भविष्यात शहर कचरा मुक्त व कचरा कुंड मुक्त शहर बनविण्याचा प्रयंत्न आपण करणार आहोत त्यामुळे आपले घर आपल्या घराचा परिसर स्वच्छ ठेवण्याची जबाबदारी प्रत्येक नागरिकांची आहे. तसेच शहर प्लॅस्टिक मुक्त होण्यासाठी सुद्धा नागरिकामध्ये जनजागृती व्हावी व प्लॅस्टिकचा वापर टाळावा म्हणुन नगरपरिषद व बँक ऑफ इंडीया यांच्या वतीने शहरातील नागरीकांना १० हजार कापडी पिशव्याचे वाटप करण्यात येत आहे. त्यामुळे प्रत्येक नागरिकांनी सर्व्हेक्षण २०१८ हे स्वच्छता अभियान यशस्वी करण्यासाठी सहकार्य करावे असे आवाहन आमदार प्रशांतराव परिचारक यांनी केले. हे स्वच्छता अभियान यशस्वी करण्यासाठी मुख्याधिकारी अभिजीत बापट यांच्या मार्गदर्शना खाली, उपमुख्याधिकारी सुनिल वाळुजकर,आरोग्याधिकारी डॅा.संग्राम गायकवाड, आरोग्य निरिक्षक शरद वाघमारे, नागनाथ तोडकर, बर्मा पवार, मारुती मोरे, कुमार भोपळे हे प्रयत्नशील आहेत. या कार्यक्रमास माजी नगराध्यक्ष सतिश मुळे, लक्ष्मण शिरसट, नगरसेविका सुप्रिया डांगे, वामनराव बंदपट्टे, संजय निंबाळकर, विशाल मलपे, विक्रम शिरसट, विवेक परदेशी, ऋषीकेश उत्पात, नरसिंह शिंगण, सुजितकुमार सर्वगोड, सामाजिक कार्यकर्ते सचिन डांगे, अमोल डोके, बसवेश्वर देवमारे, नितीन शेळके, धर्मराज घोडके हे उपस्थित होते.
पंढरीचे पहिले लोकप्रिय ई-न्युज वेब चॅनल & Android Application
सर्वात जलद, सर्वात लोकप्रिय! पंढरपूर LIVE
पंढरपूर Live वर आपल्या व्यवसायाची जाहिरात द्या..अल्पदरात!!
कार्यालय:- कालिका देवी मंदिरा जवळ, संत रोहिदास चौक,
पंढरपूर गोपाळपूर रोड, तालुका क्रीडा कार्यालयासमोर, पंढरपूर
- Whatsup- 8308838111 Mobile-8552823399
- mail-livepandharpur@gmail.com
- web – http://www.pandharpurlive.com
