पंढरपूर सिंहगडचे प्रा. श्याम कुलकर्णी यांना पी एच डी प्रदान

    पंढरपूर (प्रतिनिधी) कोर्टी (ता. पंढरपूर) येथील एस के एन सिंहगड अभियांत्रिकी महाविद्यालयातील मेकॅनिकल इंजिनिअरींग विभागात प्राध्यापक म्हणून कार्यरत असलेले प्रा. श्याम कुलकर्णी यांना सावित्रीबाई फुले पुणे विद्यापीठ यांच्याकडून नुकतीच डॉक्टरेट पदवी प्राप्त झाली आहे.
     सावित्रीबाई फुले शिक्षण प्रसारक मंडळ संचलित एस के एन सिंहगड अभियांत्रिकी महाविद्यालयातील मेकॅनिकल इंजिनिअरींग विभागामध्ये प्राध्यापक म्हणून कार्यरत असलेले प्रा. श्याम कुलकर्णी यांनी “व्हायब्रेशन सिग्नेचर अॅनॅलायसीस ऑफ बेअरींग डिफेक्ट”  या विषयावर कमीन्स इंजिनिअरींग कॉलेज पुणे येथील प्रा. आनंद बेऊर यांच्या मार्गदर्शनाखाली पुणे विद्यापीठात प्रबंध सादर केला होता. 
        त्यांच्या या यशाबद्दल पंढरपूर सिंहगड अभियांत्रिकी महाविद्यालयाचे प्राचार्य डॉ. कैलाश करांडे, डाॅ. चेतन पिसे, मेकॅनिकल इंजिनिअर विभाग प्रमुख डॉ. रविंद्र व्यवहारे, डॉ. स्वानंद कुलकर्णी आदी सह महाविद्यालयातील सर्व शिक्षक व शिक्षकेत्तर कर्मचा-यांनी डॉ. श्याम कुलकर्णी यांचे अभिनंदन केले.