सलग 24व्या वर्षी साजरी झाली ग्रामस्वच्छतेद्वारा गोळा केलेल्या केरकचर्याची होळी

प्रशांत वाघमारे या प्राथमिक शिक्षकाच्या संकल्पनेतून सलग 24व्या वर्षी ग्रामस्वच्छता करुन गोळा करुन कोणताही लाकूडफाटा व गोवर्या न जाळता केरकचर्याची होळी अक्षरांगण ,जि.प. शाळा घालमेपवारवस्ती (ता.पंढरपूर ) येथे मोठ्या उत्साहाने संपन्न झाली. यावेळी विद्यार्थ्यांनी परिसरातील केरकचरा गोळा केला. प्लँस्टीक कागद खड्यात गाडून टाकले .या आधुनिक होळीची संकल्पना मुख्याध्यापक प्रशांत वाघमारे यांनी समजाविली.यावेळी स्वरांजली घालमेहीने होळीमध्ये कोणताही लाकूडफाटा व गोवर्या न जाळण्याची शपथ दिली. समृद्धी पवार व शुभांगी पवार ह्यांनी होळीमध्ये पोळी न टाकता ती दान देण्याचे अवाहन करुन वाईट विचार चालीरितींचा नायनाट करण्याचे आवाहन केले. आरती पवार व श्रावणी साळुंखे हिने वृक्षारोपन व संवर्धनाचे महत्व पटवून दिले. समर्थ घालमे व सायली मस्के यानी व्यसनांची व दुर्गुणांची होळी करण्याचे अवाहन केले. आकाश पाटिल व प्रांजली घालमेयांनी वातावरणातील बदलाची माहिती देऊन उन्हाळ्यात घ्यावयाची काळजी विषद केली. शंकर कुंभार व ओंकार साळुंखेयांनी पाण्याच्या बचतीचे महत्व सांगितले . होळीचे पुजन वैष्णवी घालमे व मुख्याध्यापक प्रशांत वाघमारे यांनी केले.