पोस्ट घोटाळा प्रकरणातील आरोपीच्या अटकपुर्व जामीन अर्जावर आरोपींच्या वकीलांचा युक्तीवाद पुर्ण

पंढरपूर येथील मुख्य डाक कार्यालयात 52 लाख रुपयांची अफरातफर झाल्याचा आरोप असलेले पोस्टल कर्मचारी अमजद मुबारक शेख यांच्यावर पंढरपूर शहर पोलीस ठाण्यात गुुन्हा दाखल करण्यात आलेला आहे.या प्रकरणी आरोपीने ऍड.शशी कुलकर्णी यांच्या मार्फत सदर गुन्ह्यातील आरोपीने हा अटकपुर्व जामीन अर्ज दाखल केला होता.या जामीन अर्जावर 8 जानेवारी रोजी युक्तीवाद पुर्ण झाला असून या बाबतची पुढील सुनावणी आता 16 जानेवारी रोजी होणार आहे.  

   यात हकीकत अशी की,शहरातील मुख्य टपाल कार्यालयात विमा हप्त्यापोटी जमा करण्यात आलेल्या 52 लाख रुपयांचा अपहार करण्यात आला असल्याच्या आरोपावरुन अमजद शेख याच्यावर गुन्हा दाखल झाला आहे.या प्रकरणाचा तपास सहाय्यक पोलीस निरिक्षक संजय धोत्रे हे करीत आहेत.पोस्टाच्या या घोटाळ्याची घटना उघडकीस आल्यानंतर या प्रकरणाची सखोल चौकशी व्हावी अशी मागणी सर्वसामान्य नागरिकांमधून होताना दिसून आली होती.या प्रकरणात आरोपीच्या वतीने ऍड.शशी कुलकर्णी,ऍड.ओंकार बुरकूल,ऍड.स्वप्निल सरवदे तर सरकार पक्षाच्या वतीने सरकारी वकील ऍड.सारंग वांगीकर हे काम पहात आहेत.