नवी दिल्ली
टेलिकॉम जगतातील स्पर्धेत टिकून राहण्याकरिता देशभरातील टेलिकॉम कंपन्या आपापल्या ग्राहकांवर नवनवीन सवलतींचा पाऊस पाडत आहेत. आता भारती एअरटेल या कंपनीने देखील आपल्या पोस्टपेड ग्राहकांसाठी मॉन्सून ऑफर देऊ केली आहे. या ऑफरनुसार, १ जुलै पासून पुढच्या तीन महिन्यांसाठी ३० जीबी ४जी डेटा मोफत दिला जाणार आहे. यापूर्वीही एअरटेलने पोस्टपेड ग्राहकांसाठी एप्रिल ते जून या कालावधीसाठी ३० जीबी फ्री डेटाची सरप्राइज ऑफर दिली होती. हीच ऑफर पुढे वाढवत कंपनीने तिला ‘मान्सून ऑफर’ असे नाव दिले आहे.
या मान्सून ऑफरमध्ये पोस्टपेड ग्राहकांना प्रति महिना १० जीबी डेटा या हिशोबाने हा डेटा मिळणार आहे. एअरटेलने आपल्या ग्राहकांना शनिवारी ई-मेलद्वारे या ऑफरची माहिती दिली आहे. ही ऑफर मिळविण्यासाठी पोस्टपेड ग्राहकांना १ जुलैनंतर माय एअरटेल अॅपवर जाऊन ती मिळवावी लागेल.
गेल्या महिन्यातच रिलायन्स जिओनेही ‘धन धना धन’ ऑफर सुरू केली होती. या व्यतिरिक्त १ जीबी डेटा रिचार्जवर ४५ जीबी अधिकचा ४जी डेटाची ऑफरही दिली होती. वोडाफोननेही रमजानच्या निमित्ताने सुपरडे, सुपरवीक आणि सुपरनाइट सारख्या ऑफर्स ग्राहकांना देऊ केल्या आहेत.
सर्वात जलद, सर्वात लोकप्रिय!
