झी मराठी वाहिनीवरील ‘चला हवा येऊ द्या’ हा कार्यक्रम अल्पावधीतच लोकप्रिय ठरला. या कार्यक्रमामध्ये काम करणाऱ्या कलाकारांवर तर प्रेक्षक भरभरुन प्रेम करतात. याच कार्यक्रमामुळे नावारुपाला आलेला कलाकार म्हणजे कुशल बद्रिके. कुशल सध्या लंडन दौऱ्यावर आहे.
संजय जाधव त्यांच्या चित्रपटांमुळे नेहमीच चर्चेत असतात. त्यांनी तू ही रे, दुनियादारी, खारी बिस्किट यांसारखे अनेक सुपरहिट चित्रपट दिले. तर सध्या टे त्यांच्या आगामी चित्रपटाचं लंडनमध्ये शूटिंग करत आहेत. या त्यांच्या चित्रपटात प्रार्थना बेहरे, कुशल बद्रिके, अभिनय बेर्डे हे कलाकार महत्वपूर्ण भूमिका सकरताना दिसणार आहेत. आता या शूटिंगदरम्यानचा एक बिहाईंड द सीन व्हिडीओ प्रार्थनाने पोस्ट केला आहे
कुशल बद्रिके अत्यंत दिलखुलास आहे. तो जिथे जाईल तिथलं वातावरण आनंदी आणि हसतं खेळतं ठेवण्याचा प्रयत्न करत असतो. तर चित्रीकरणादरम्यानही तो खूप मजा मस्ती करत असतो. आता लंडनला जाऊन तो प्रार्थना आणि अभिनयशी गप्पा मारताना संजय जाधव यांची नक्कल करताना दिसला. प्रार्थनाने शेअर केलेल्या व्हिडीओत दिसत आहे की ती आणि अभिनय गप्पा मारताना “संजय सर आले” असं म्हणतात आणि कुशल तिथे येतो. तर त्यानंतर तो संजय जाधव यांच्या स्टाईलमध्ये तो प्रार्थना आणि अभिनयशी गप्पा मारताना दिसतोय. “लंडनच्या थंडीत शूटिंग करायला खूप मजा येते असं तो म्हणताना दिसला.” तर इतक्यात संजय जाधव येतात आणि कुशल एकदम नक्कल करायचा थांबतो. “लंडनच्या थंडीत शूटिंग करायला खूप मजा येते का?” असं म्हणत तेही त्यांच्यासोबत हसू लागतात.
आता त्यांचा हा व्हिडीओ आता खूप व्हायरल आहे. तर त्यांच्यातली ही मजा मस्ती आवडली असल्याचं सांगत आहेत. तर याचबरोबर त्यांच्या या आगामी चित्रपटासाठी त्यांचे चाहते उत्सुक असल्याचंही त्यांनी सांगितलं. हा त्यांचा चित्रपट कधी प्रदर्शित होईल हे काही दिवसांतच कळेल.
