अमरावती : नवरा गळ्याभोवती फास आवळणार, इतक्यात तिने त्याच्या हाताला जोरदार हिसका दिला.
याप्रकरणी त्या विवाहितेच्या तक्रारीवरून मंगरूळ दस्तगीर पोलिसांनी आरोपी नीलेश खडसे (३५), अंकुश खडसे (२८), रोशन खडसे (२८) व तीन महिला (सर्व रा. झाडा)
यांच्याविरुद्ध कौटुंबिक छळ, मारहाण व हुंडा प्रतिबंधक कायद्यातील कलम ४ नुसार गुन्हा दाखल केला. याप्रकरणी १८ ऑक्टोबर रोजी दुपारी गुन्ह्याची नोंद करण्यात आली.
यापूर्वीदेखील पतीने मारहाण करून रात्रीच्या वेळी बाहेर काढून दिले. त्यामुळे त्या विवाहितेला रात्र बाहेर काढावी लागली. त्यानंतर अनेकदा तिचा अनन्वित छळ करण्यात आला.
माहेरहून पैेसे आण, तरच घरात ये, अशी धमकी देत तिला माहेरी जाण्यास, पैसे आणण्यास बाध्य करण्यात आले. त्यामुळे माहेराहून २० हजार रुपये आणून तिने पतीला दिले. पैसे आणल्याने काही दिवस त्रास थांबला. मात्र काही महिन्यातच ती छळमालिका पुन्हा सुरू झाली. तिला मारहाण करणे सुरू झाले.
