नवी दिल्लीतील खान मार्केट पोलीस बूथवर तरुणावर हल्ला केल्याची घटना समोर आली आहे. यामध्ये पोलीस बूथचे नुकसान करण्यासोबतच आरोपीने दुचाकीही पेटवून दिली. हा तरुण झोमॅटोचा डिलिव्हरी बॉय असल्याचे सांगण्यात येत आहे.
झोमॅटोचा डिलिव्हरी बॉयने दुचाकी पेटवून दिली. त्याला पकडण्याचा प्रयत्न केला असता त्याने पोलिसांवर दगडफेक करण्यास सुरुवात केली. पोलिसांच्या प्रयत्नानंतर त्याला पकडण्यात यश आले. यावेळी तेथेही मोठी गर्दी झाली होती. रविवारी घडलेल्या या घटनेने पॉश मार्केट परिसरात घबराट पसरली. या ठिकाणी अनेक आघाडीच्या ब्रँडची लोकप्रिय रेस्टॉरंट आणि शोरूम आहेत.
डिलिव्हरी बॉयने ‘असा’ घेतला बदला, २३ वर्षीय नदीम आदल्या दिवशी तेथील एका रेस्टॉरंटमधून जेवण घेण्यासाठी आला होता. तो अन्न घेण्यासाठी थांबला असताना एक जोडपे तिथून गेले.
डीसीपी अमृता गुगुलोथ यांनी सांगितले की, 23 ऑक्टोबर रोजी तुघलक रोड पोलिस स्टेशनच्या पोलिसांना मोटारसायकल आणि पोलिस चौकी जाळल्याची माहिती मिळाली होती. या प्रकरणाची माहिती मिळताच पोलिसांचे पथक घटनास्थळी पोहोचले, तेथे त्यांना मद्यधुंद तरुण दिसला. पोलिसांनी कसेतरी त्या तरुणावर नियंत्रण ठेवले.
चौकशीदरम्यान नदीम असे तरुणाचे नाव आहे. तो मध्य दिल्लीतील हौज राणी भागातील रहिवासी आहे. सार्वजनिक मालमत्तेचे नुकसान केल्याप्रकरणी पोलिसांनी एका तरुणाला अटक केली आहे
