ठाणे शहरात आज एक धक्कादायक प्रकार समोर आला आहे. ठाणे शहराअंतर्गत असणाऱ्या महानगरपालिकेच्या बसने एका महिलेला धडक दिली.
ठाणे शहरात अंगावर शहारे आणणारी घटना घडली आहे. टीएमटीने बसने महिलेला धडक दिल्याची घटना आज (दि.11) जानेवारीला घडली आहे. दरम्यान ही घटना सीसीटीव्हीमध्ये कैद झाली आहे. दरम्यान या सीसीटीव्हीमध्ये एकूण तीन महिला रस्ता ओलांडताना दिसत आहे. पहिली महिला सुरक्षित रित्या रस्ता ओलांडते. यानंतर एकापाठोपाठ दोन महिला रस्ता ओलांडताना दिसत आहेत.
दरम्यान रस्त्याच्या कडेला उकरलेले असल्याने त्या दोन महिला समोरून बस येत असल्याचे दिसताच रस्त्याच्या कडेला थांबतात यावेळी एक महिला थोडी पुढे तर एक महिला मागे थांबली होती. यावेळी अचानक बसने साईडला वळन घेत असताना ड्रायव्हरला अंदाज न आल्याने बस थेट महिलेला धडकली यावेळी ती महिला बस खाली पडल्याने तिच्या पायावरून बस गेली. या दरम्यान महिलेचा पाय बस खाली चिरडल्याने तिचा पाय तुटला आहे. ही घटना बस ड्रायव्हरच्या लक्षात येताच त्याने बस थांबवल्याने मोठा अनर्थ टळला आहे.
मुंबई- आग्रा महामार्गावर इगतपुरी तालुक्यातील गोंदे औद्योगिक वसाहतीतील लिअर कंपनीजवळ पोलिसांच्या वाहनाचा अपघात झाला. नाशिकहुन मुंबईच्या दिशेने जातांना ही घटना घडली आहे. दरम्यान पोलिसांच्या वाहनाचा वेग असल्याने वाहनाने तीन पलट्या मारल्या माहिती आहे. तर हा अपघात तिहेरी असल्याची माहिती माहिती समोर आली आहे. यामध्ये तिसरे वाहन अपघात होताच तातडीने पसार झाले आहे.
