कर्मयोगी विद्यानिकेतन पंढरपूर येथे नर्सरी ते दहावी पर्यंतच्या विद्यार्थ्यांसाठी वार्षिक स्नेहसंमेलन उत्साहात साजरा करण्यात आला. सुमारे 1400 विद्यार्थ्यांनी एकत्र येऊन हा कार्यक्रम मोठ्या उत्साहात साजरा केला. कार्यक्रमाचे प्रमुख पाहुणे म्हणून मा .सौ सीमाताई परिचारक, तुकाराम आप्पा राऊत , मा. सुभाष माने जिल्हा परिषद सदस्य उपस्थित होते.
या कार्यक्रमाची सुरुवात दीपप्रज्वलनाने उद्घाटन करण्यात आले. प्राचार्या सौ.प्रियदर्शनी सरदेसाई यांनी पालक व विद्यार्थ्यांना प्रेरणादायी शब्दात संबोधित केले. कार्यक्रमाच्या सुरुवातीला गणेश वंदना सादर केली. वार्षिक स्नेहसंमेलनाचा उत्सव दोन दिवस चालला.
कार्यक्रमासाठी विद्यार्थ्यांमध्ये उत्साह आणि आनंदाचे वातावरण होते आणि शिक्षकांनी घेतलेल्या मेहनतीचे प्रदर्शन या भव्य सोहळ्यातून दिसून आले. दुसऱ्या दिवसाची सुरुवात मोठ्या उत्साहात झाली. एका भारतामध्ये अनेक स्वप्नांच्या अभिसरणाची थीम ‘अतुल्य भारत’ या आधारे सादर करण्यात आली. यावेळी मुलांनी संपूर्ण भारताचे दर्शन घडवणारे अतुल्य भारत ही मध्यवर्ती कल्पना नजरे समोर ठेऊन अफलातून नृत्य सादर केले. नृत्य हे कार्यक्रम शाळेने आयोजित केले होते. कार्यक्रमांचे संचालन विद्यार्थ्यांनी केले.
वार्षिक दिनाच्या समारंभाचा समारोप श्री. राजेंद्र जाधव यांच्या आभार प्रदर्शनाने झाला, ज्यांनी विद्यार्थी, शिक्षक आणि सहाय्यक कर्मचार्यांरच्या प्रयत्नांची कबुली दिली आणि आदरणीय पाहुण्यांचे अमूल्य वेळ आणि उपस्थितीबद्दल आभार मानले.
