मध्य प्रदेशातील गुना जिल्ह्यातील बजरंगगडमध्ये माकडांची दहशत वाढत चालली आहे. दरम्यान या माकडांमुळे एका वृद्धाचा मृत्यू झाल्याचे समोर आले आहे.
थोडे विचित्र वाटेल, परंतु हे खरे आहे. रीवा येथे 2 माकडांनी एका वृद्धाला छतावरून ढकलले, त्यामुळे त्याचा मृत्यू झाला. बजरंगगडमध्ये, 70 वर्षीय बाबूलाल प्रजापती यांना दोन माकडांनी त्यांच्या घराच्या छतावरून ढकलले.
त्यामुळे वृद्ध बाबूलाल प्रजापती 15 फूट उंचीवरून जमिनीवर पडले. बाबूलाल प्रजापती जमिनीवर पडताच गंभीर जखमी झाले.त्यानंतर काही वेळातच त्यांचा मृत्यू झाला.
बाबुलाल प्रजापती यांचा मुलगा ललित प्रजापती यांनी सांगितले की, बजरनगडमध्ये माकडांची दहशत आहे. माकडेही घरात घुसतात. तेव्हा वृद्ध बाबूलाल प्रजापती घराच्या पहिल्या मजल्यावर उभे होते. त्याचवेळी माकडांचा कळप घराकडे आला. बाबूलालने काही माकडांना घाबरवले, पण 2 माकडांनी त्याच्यावर हल्ला केला आणि त्यांना ढकलले.
त्यामुळे तो 15 फूट खाली जमिनीवर पडला. जमिनीवर पडल्याने बाबूलाल जखमी झाला, त्यानंतर उपचारादरम्यान त्याचा मृत्यू झाला. दरम्यान माकडांना पकडण्याची जबाबदारी वनविभागाची आहे, मात्र वनविभागाच्या सुस्त वृत्तीमुळे माकडांची दहशत निर्माण झाली आहे. माकडांच्या भीतीमुळे बजरनगडमधील लोकांना घरांमध्ये लपून राहावे लागत आहे. माकडांनी इतकी दहशत निर्माण केली आहे की, लोकांचे जगणे कठीण झाले आहे. शाळेत जाणाऱ्या विद्यार्थ्यांवरही माकड हल्ला करतात.
