पंढरपूर -मंगळवेढा रोडवर अज्ञात वाहनाशी अपघात होऊन मंगळवेढा तालुक्यातील फटेवाडीच्या दोन तरूणांचा मृत्यू

आज दि.12-11-2017:रोजी साडे सात वा. पुर्वी  पंढरपूर -मंगळवेढा मार्गावरील अनवली शिवारात बुलेटवरून मंगळवेढयाकडे जाणाऱ्या दोन तरूणांचा अपघात अज्ञात वाहनाशी झाल्याने दोघांचा  अपघाती मृत्यू झाल्याची माहिती पंढरीतील उदय वासुदेव वाडदेकर यांनी पंढरपूर तालुका पोलिसांना दिली आहे.

त्यांनी दिलेल्या माहितीनुसार वरील वेळी व ठिकाणी तुमच्या भावकीतील दोघेजणांचा अपघात झाल्याची माहिती त्यांना गोपाळपूर येथील उदय पवार यांनी  फोनवरून दिली. त्यानुसार त्यांनी घटनास्थळी जावून पाहणी केली असता राहुल पंडीत वाडदेकर  (27) व सिताराम पांडुरंग खंडागळे (28) हे दोघे गंभीर जखमी होवून पडले होते. त्यांची बुलेट मोटारसायकल  (MH 13, BE 1001) ही रोडच्या कडेला पडलेली होती. अपघातातील दुसरे अज्ञात वाहन व अज्ञात चालक फरार झाला होता. या अपघातात दोघा तरूणांचा उपचारापूर्वीच मृत्यू झाला आहे. अधिक चौकशी पोहेकाॅ फुगारे हे करत आहेत.