भरदिवसा महिलेचे एक लाख रूपये लंपास

निलेश चाळक बीड -येथील पोलीस अधीक्षक कार्यालयासमोरुन एका महिलेचे एक लाख रुपये चोरांनी भरदिवसा लंपास केले. ही घटना बुधवारी सकाळी साडेअकरा वाजता घडली.

फैमिदा बेगम शेख रियाज (रा. तेलगाव नाका, बीड) या बुधवारी सकाळी साडेअकरा वाजता पोलीस अधीक्षक कार्यालयासमोरील बँकेत आल्या होत्या. बँकेतून त्यांनी एक लाख रुपये काढले. त्यानंतर रिक्षात बसून त्या घराकडे जात होत्या. मात्र, रिक्षात बसत असताना दोघांनी त्यांच्या हातातील पैशांची बॅग हिसकावून धूम ठोकली. फैमिदा बेगम यांना काही कळण्याच्या आतच चोरटे दृष्टिआड झाले. रोकड लंपास झाल्याने त्या भयभीत झाल्या. त्यांनी शिवाजीनगर ठाण्यात जाऊन फिर्याद नोेंदवली. त्यावरुन गुन्हा नोंद करण्यात आला. 

दरम्यान, शिवाजीनगर पोलिसांनी बँकेबाहेरचे सीसीटीव्ही फुटेज मागविले असून तपास सहायक निरीक्षक सलीम पठाण करत आहेत. दरम्यान ज्या अधीक्षक कार्यालयातून जिल्ह्याच्या कायदा- सुव्यवस्थेचा कारभार पहिला जातो त्यासमोरूनच चोरांनी पैशांची बॅग लांबविल्याने पोलिसांसमोर तपासाचे आव्हान निर्माण झाले आहे.

 

मुख्य संपादक-भगवान गणपतराव वानखेडे