तावशी गाव झाले चकाचक.. तावशीमध्ये बी. फार्मसीचे राष्ट्रीय सेवा योजनेची मोहीम संपन्न

सोलापूर विद्यापीठ सोलापूर व स्वेरीज कॉलेज ऑफ फार्मसी गोपाळपुर यांच्या संयुक्त विद्यमाने आयोजिलेले हे उपक्रम तब्बल आठवडाभर चालले. यामध्ये विशेष परिश्रम, ग्रामस्थांना शैक्षणिक प्रबोधन, ग्राम स्वछतेचे महत्व, मुली वाचवा देश वाचवा, वृक्षारोपण, पाणी वाचवा, जिल्हा परिषदेतील लहान मुलांना शिक्षणाचे महत्व व मार्गदर्शन, वेळोवेळी उपचाराचे महत्व, आरोग्याची काळजी असे अनेक प्रबोधनपर  व संस्कारात्मक स्वरूपाचे शिबीर आयोजित केले होते. स्वेरी फार्मसीचे रासयोचे यूनिट  स्थापनेपासून विविध गावांमधे उपक्रम राबवून नागरिकांना स्वच्छतेतून सम्रद्धीकडे घेऊन जाताना समाजसेवेचे काम आविरत करत आहेत. ‘माझ्यासाठी नव्हे, तुमच्यासाठी‘ या रासयोच्या ब्रीद वाक्याप्रमाणे काम करत तावशी गावामध्ये स्वच्छतेबरोबरच विविध सामाजिक उपक्रम देखील राबवण्यात आले. या योजनेअंतर्गत आयोजित केलेल्या शिबिरात जिल्हा परिषद प्राथमिक शाळा येथे  १३० विद्यार्थ्यांचे  व साधना विद्यालय तावशी येथे १५० विद्यार्थ्यांचे रक्तगट तपासले, वजन व उंची मोजण्यात आली व तेथील विद्यार्थ्यांना शिक्षणाचे महत्त्व व मार्गदर्शन असे अनेक प्रबोधनपर व संस्कारात्मक स्वरूपाचे उपक्रम राबविण्यात आले. तसेच तावशी गावातील ४५० पेक्षा जास्त घरांची भेट घेऊन त्यांच्या आजारांवरील अहवाल तयार करण्यात आला व ग्रामस्थांना त्या आजारासाठी घ्यावयाच्या काळजी बद्दल चांगल्या प्रकारे माहिती देण्यात आली.