रस्ते देखभाल दुरूस्ती योजने अंतर्गत मंगळवेढा व पंढरपूर तालुक्यातील रस्त्यांसाठी रू.17 कोटी 50 लाखांचा निधी मंजूर -आमदार भारत भालके

पंढरपूर LIVE 28 जानेवारी 2019

सार्वजनिक बांधकाम विभागाकडे मार्च 2017 मध्ये आमदार श्री भारत भालके यांनी मार्च 2017 च्या अर्थसंकल्पामध्ये रस्त्यांच्या दुरुस्तीबाबत कामांचा समावेश होण्यासाठी पत्रव्यवहार केला होता.  त्यानंतर फेब्रुवारी 2018 मध्ये त्या वर्षाच्या अर्थसंकल्पामध्ये विंचूर-कुसुर-बोराळे-मंगळवेढा हा रस्ता प्रजिमा 61  मधील 35 ते 39 या कि.मी.मध्ये रस्त्याचे डांबरीकरणासाठी रू.02.50 कोटी. तसेच पंढरपूर तालुक्यामधील अनवली-मुंडेवाडी-अजनसोंड रस्ता प्रजिमा  113  मधील अनवली ते मुंडेवाडी हा  साडे आठ किलोमीटरचा रस्ता  दुरुस्तीसाठी रू.04.00  कोटी, खर्डी-तावशी-एकलासपूर रस्ता प्रजिमा  84 मधील साडेबारा किलोमीटरच्या रस्ता दुरुस्तीसाठी रू.05.00 कोटी, गोपाळपूर-ओझेवाडी प्रजिमा 70 किमी मधील पंधरा किलोमीटर रस्ताच्या दुरुस्तीसाठी रू.06.00 कोटी असे एकूण रू.17 कोटी 50 लाख रुपये मंजूर झाले असून लवकरच त्याच्या निविदा प्रक्रिया पूर्ण करून  घेऊन  रस्त्याच्या कामाला सुरुवात होणार आहे.

या सर्व रस्त्यांच्या कामासाठी 2 अर्थसंकल्पीय अधिवेशनात तरतूद व्हावी म्हणून आमदार श्री भारत भालके यांनी सातत्याने पाठपुरावा केलेला होता. यावर सार्वजनिक बांधकाम विभागाकडून या सर्व कामास मंजुरी मिळाली असून, यामुळे मंगळवेढा तालुक्यातील बोराळे ते मंगळवेढा, पंढरपूर तालुक्यातील अनवली ते मुंडेवाडी, खर्डी, शेटफळ, तनाळी, तावशी, एकलासपूर, गोपाळपुर, ओझेवाडी हा खडतर प्रवास आता सुखकर होणार असून यामुळे ग्रामस्थांकडून समाधान व्यक्त होत आहे.

              विशेषतः बोराळे अरळी सिद्धापूर तांडोर भागातील नागरिकांना याच मार्गाने मंगळवेढ्याकडे यावे लागत असल्याने अनेक वर्षापासून हा मार्ग अतिशय खराब अवस्थेत होता यामुळे विद्यार्थी, वयोवृद्ध नागरिकांना प्रवास करत असताना अतिशय त्रास सहन करावा लागत होता. मात्र या रस्त्याच्या डांबरीकरणामुळे आता प्रवाशांना दिलासा मिळणार आहे.

पंढरपूर व मंगळवेढा तालुक्यातील या अनेक वर्षापासून नादुरुस्त असलेल्या रस्त्याच्या कामाबाबत गेल्या दोन वर्षात राज्याचे सार्वजनिक बांधकाम मंत्री मा.ना.श्री चंद्रकांत पाटील यांच्याकडे सातत्याने पाठपुरावा करून आमदार श्री भारत भालके यांनी रू.17 कोटी 50 लाखांचा निधी मंजूर करत मंगळवेढा तालुक्यातील मंगळवेढा, अरळी, सिध्दापूर, तांडोर, बोराळे व पंढरपूर तालुक्यातील अनवली, मुंडेवाडी, अजनसोंड, खर्डी, तावशी, शेटफळ, एकलासपूर, गोपाळपूर, ओझेवाडी या भागातील प्रवाशांना नवीन वर्षाची भेट दिल्याने ग्रामस्थांमधून समाधान व्यक्त होत आहे.

महाराष्ट्रातील नंबर वन! ई-न्युज वेब चॅनल पंढरपूर  LIVE 

पंढरीचे पहिले लोकप्रिय ई-न्युज वेब चॅनल 

& Android Application

* सर्वात जलद, सर्वात लोकप्रिय! पंढरपूर  LIVE

तब्बल 35 लाखांहून अधिक वाचकांच्या पसंतीस पात्र ठरलेल्या आपली, आपल्या व्यवसयाची जाहिरात द्या.. इफेक्ट बघा..!

* कार्यालय:- बॅडमिंटन हॉल समोर, संत रोहिदास चौक, 

पंढरपूर गोपाळपूर रोड, तालुका क्रीडा कार्यालयासमोर, पंढरपूर

* मुख्य संपादक-भगवान गणपतराव वानखेडे 

* उपसंपादक – विजयकुमार गायकवाड 

Whatsup- 8308838111, 7083980165 
Mobile- 7972287368

• mail-livepandharpur@gmail.com
• web – http://www.pandharpurlive.com