उंबरे येथे शिवजयंतीनिमित्त साकारली किल्ले सिंहगडची भव्य प्रतिकृती… दुर्मिळ ऐतिहासिक चित्रे-पत्रांचे प्रदर्शन

पंढरपूर तालुक्यातील उंबरे येथे शिवजयंतीनिमित्त किल्ले सिंहगड ची भव्य प्रतिकृती साकारण्यात आली होती. जिल्हा परिषद प्राथमिक केंद्रशाळा उंबरेपागे ता.पंढरपूर येथे शिवजयंती उत्साहात साजरी करण्यात आली. या औचित्याने ऐतिहासिक चित्रं-पत्रं प्रदर्शन भरविण्यात आले होते. नानासाहेब इंगळे (तालुकाध्यक्ष प्रहार शेतकरी संघटना) यांच्या शुभहस्ते या प्रदर्शनाचे उद्घाटन करण्यात आले. भारतदादा वावरे  (मा.सरपंच), शहाजी मुळे (जिल्हा युवक उपाध्यक्ष,रा.काँ.) यांची प्रमुख उपस्थिती होती. यावेळी दिपक ढोबळे,राहुल मुजमुले, सत्यवान मुळे,बापू कोठावदे, प्रमोद चिद्रेवार यांच्यासह अनेक नागरिक उपस्थित होते. उपस्थित सर्वांचे आभार मुख्याध्यापक खाजप्पा बनसोडे सरांनी मानले.