मुंबई: मुंबई महापालिकेचे वार्षिक अर्थसंकल्पात आज मांडण्यात आलं. या अर्थसंकल्पात २०१६-१७ साठी ३७०५२.१५ कोटींच्या बजेटची तरतूद करण्यात आली आहे. या अर्थसंकल्पात अनेक नवनवीन प्रकल्पांसाठी निधींची तरतूद करण्यात आली आहे. मात्र, कच्च्या तेलावरील जकात वाढविण्याच निर्णय पालिकेनं घेतला आहे. त्यामुळे मुंबईत पेट्रोल-डिझेल महागणार आहे.
कच्च्या तेलावरील जकातीत वाढ करण्यात येणार असल्याचे अर्थसंकल्पात जाहीर करण्यात आले. याचा थेट परिणाम मुंबईकरांवर होणार असून त्यामुळं पेट्रोल-डिझेलचे दर वाढणार आहेत. सध्या कच्चा तेलावर ३% जकात आकारला जातो. त्यात वाढ करण्यात आली असून आता ४.५% जकात आकारला जाणार आहे.
कच्च्या तेलावरील जकात वाढविण्यात आली असली तरी इथेनॉलवरील जकात रद्द करण्यात आला आहे. सध्या 7% एवढा मुल्याधारित कर आकारण्यात येतो. हाच जकात कर रद्द होणार आहे.
