आषाढी वारीत एसटी महामंडळाला १४ कोटींचे उत्पन्न..!

पंढरपूर: सावळ्या विठूरायाच्या दर्शनाची आस मनी घेऊन राज्याच्या कानाकोपऱ्यातून ६ लाख ३८ हजार ३९५ वारकऱ्यांनी राज्य मार्ग परिवहन महामंडळाच्या बसमधून प्रवास केला. यातून महामंडळाला १४ कोटी ७ लाख रुपयांचे उत्पन्न मिळाले.

आषाढी वारीसाठी आलेल्या आठ लाख वारकऱ्यांपैकी ६ लाख ३८ हजार ३९५ प्रवाशांनी प्रवास केल्याचे दिसून येते़ त्यामुळेच एसटीने एकूण ३५ लाख १० हजार किलोमीटरचे अंतर पार करीत १४ हजार खेपा केल्या आहेत़ त्यातून १४ कोटी ७ लाख रुपयांचे उत्पन्न एसटीला मिळाले आहे़