पुण्यातले दोन तरुण मुळशी परिसरातील ओढ्यात गेले वाहून..!

पुण्यातले दोन तरुण मुळशी परिसरातील ओढ्यात गेले वाहून..!

पौड : मुळशी धरण परिसरात वर्षाविहार करण्यासाठी गेलेल्या पुण्यातील दोन तरुण ओढ्याच्या घळीत वाहून गेले. हि घटना दुपारी पावणे पाचच्या सुमारास धरण परिसरातील पिंपरी-अहिरवाडी येथील ओढ्याजवळ घडली. सागर दुधे (वय-32 मुळ.यवतमाळ सध्या रा. जुनी सांगवी, पुणे) आणि राहुल उमाटे (वय 29 मुळ.रा. अमरावती सध्या. काळामारुती मंदिर, शनवार पेठ, पुणे) असे वाहून गेलेल्या दोघांची नावे आहेत. याबाबत त्यांच्याबरोबर गेलेला तिसरा मित्र प्रशांत घाटे (मुळ.रा. अमरावती) याने घटनेबाबत पौड पोलीस ठाण्यात माहिती कळविली. पौड पोलीस ठाण्याचे वरीष्ठ पोलीस निरीक्षक सुरेश निंबाळकर त्यांच्या कर्मचाऱ्यासमवेत घटनास्थळी धाव घेऊन तपास कार्य सुरू केले.

रात्री उशरापर्यंत दोघांनाही शोधण्याचे कार्य सुरू होते.