वाहतुक पोलिसाला बाईकस्वाराची मारहाण..!!

हेल्मेट नसल्याने वाहतूक पोलिसांनी कारवाई केली म्हणून संतापलेल्या बाइकस्वाराने वाहतूक पोलिसाला शिविगाळ करत मारहाण केल्याची घटना ठाण्यातील तीनहात नाका येथे शनिवारी घडली. नौपाडा पोलिस ठाण्यात याप्रकरणी गुन्हा दाखल करण्यात आला असून बाइकस्वाराला पोलिसांनी अटक केली आहे.


अंबरनाथमध्ये राहणारा लक्ष्मण नाईक हा शुक्रवारी दुपारी बाइकवरून तीनहात नाक्याच्या दिशेने निघाला होता. त्याने हेल्मेट घातले नसल्याने वाहतूक शाखेचे सहाय्यक पोलिस उपनिरीक्षक मच्छिन्द्र काटकर आणि पोलिस शिपाई पवार यांनी त्याला थांबवले आणि परवान्याची मागणी केली. मात्र त्याने लायसन्स दाखवण्यास नकार दिला. तसेच मोठमोठ्याने ओरडू लागल्यानंतर त्याठिकाणी पोलिस हवालदार महापुरे आले. हेल्मेट नसल्याने तुम्हाला दंड भरावा लागेल, असे ते नाईकला म्हणाले. वाहतूक पोलिसांसोबत नाईक कार्यालयात आल्यानंतर ५०० रुपये दंडाची पावती फाडली. त्याने दंडाची रक्कम भरली. मात्र कार्यालयातून जाताना पोलिसांना शिविगाळ केली. माझी वरपर्यंत ओळख असून तू शिवाजीनगरला येऊन दाखव, अशी धमकी दिली. तसेच महापुरे यांना ठोशाबुक्क्यांनी मारहाण केली. सरकारी कामात अडथळा आणल्याप्रकणी नाईक याच्याविरुद्ध गुन्हा दाखल करण्यात आला आहे.

पंढरीचे पहिले लोकप्रिय ई-न्युज वेब चॅनल व अ‍ॅन्ड्रॉईड अ‍ॅप.. !

सर्वात जलद, सर्वात लोकप्रिय!

पंढरपूर Live 

वर आपल्या व्यवसायाची जाहिरात द्या..अल्पदरात!!

कार्यालय:- कालिका देवी मंदिरा जवळ, संत रोहिदास चौक,
पंढरपूर गोपाळपूर रोड, तालुका क्रीडा कार्यालयासमोर, पंढरपूर

मुख्य संपादक-भगवान वानखेडे संपर्क- 8308838111