चंद्रग्रहणामुळे रक्षाबंधनवर ‘ग्रहण’ नाही, जाणून घ्या याबद्दलची अधिक माहिती

 सर्वात जलद, सर्वात लोकप्रिय! पंढरपूर Live

मुख्य संपादक– भगवान वानखेडे संपर्क- 8308838111/8552823399

mail- livepandharpur@gmail.com

कार्यालय:- कालिका देवी मंदिरा जवळ, संत रोहिदास चौक,
पंढरपूर गोपाळपूर रोड, तालुका क्रीडा कार्यालयासमोर, पंढरपूर

 पंढरपूर Live 4 August 2017

चंद्रग्रहणाविषयी सोमण म्हणाले की,  सोमवारी ७ ऑगस्ट रोजी श्रावण पौर्णिमेच्या दिवशी होणारे खंडग्रास चंद्रग्रहण संपूर्ण भारतातून दिसणार आहे. चंद्रग्रहण होणार असले तरी त्या दिवशी नारळी पौर्णिमा आणि रक्षाबंधन हे सण साजरे करण्यास कोणतीही हरकत नाही.  हे चंद्रग्रहण भारताप्रमाणेच संपूर्ण आशिया, ऑस्ट्रेलिया, आफ्रिका, यूरोप आणि पश्चिम पॅसिफिक महासागरातून दिसणार आहे. सोमवार सायंकाळी ६ वाजून ५४ मिनिटांनी ( मुंबई ) चंद्रोदय होईल. त्यावेळी चंद्रबिंब ९९.६ टक्के प्रकाशित दिसेल. नंतर रात्री १० वाजून ५२ मिनिटांनी चंद्र पृथ्वीच्या छायेत येण्यास प्रारंभ होईल. रात्री ११ वाजून ५१ मिनिटांनी ग्रहणमध्य होईल. त्यावेळी चंद्रबिंबाचा २४.६ टक्के भाग पृथ्वीच्या छायेत येईल. त्यानंतर ग्रहण सुटण्यास प्रारंभ होईल. रात्री १२ वाजून ४९ मिनिटांनी संपूर्ण चंद्रबिंब पृथ्वीच्या छायेतून बाहेर पडेल आणि चंद्रग्रहण सुटेल. हे चंद्रग्रहण साध्या डोळ्यानी पाहता येईल. ज्यांच्याकडे दुर्बिण किंवा द्विनेत्री असेल त्यांनी त्यातून चंद्रग्रहण पाहण्यास हरकत नाही. हे चंद्रग्रहण सॅरॉस चक्र ११९ क्रमांकातील आहे. या दिवशी चंद्र पृथ्वीपासून ३ लक्ष ९४ हजार ७७० किलोमीटर अंतरावर असणार आहे.

यावर्षी श्रावण अमावास्येला सोमवारी २१ ऑगस्टरोजी खग्रास सूर्यग्रहण होणार आहे. परंतु ते ग्रहण भारतातून दिसणार नाही. हे खग्रास सूर्यग्रहण हवाई,उत्तर पूर्व पॅसिफिक महासागर, उत्तर अमेरिका, मध्य अमेरिका, दक्षिण अमेरिकेचा उत्तरेकडील भाग, यूरोपचा अतिपश्चिमेकडील भाग आणि पश्चिम आफ्रिका येथून दिसेल. अमेरिकेच्या मोठ्या भागातून या सूर्यग्रहणाची ‘खग्रास स्थिती’ दिसणार असल्याने जगाच्या अनेक भागातील खगोलप्रेमी ते मनोहारी दृश्य पाहायला अमेरिकेला जाणार आहेत. पुढच्या वर्षी बुधवार दि. ३१ जानेवारी २०१८ रोजी होणारे खग्रास चंद्रग्रहण भारतातून दिसणार असल्याचेही सोमण यांनी सांगितले.

………………………………………………………………………………………………………………………

……………………………………………………………………………………………………………………….

……………………………………………………………………………………………………………………….

पंढरीचे पहिले लोकप्रिय ई-न्युज वेब चॅनल व अ‍ॅन्ड्रॉईड अ‍ॅप.. !

सर्वात जलद, सर्वात लोकप्रिय!

पंढरपूर Live 

वर आपल्या व्यवसायाची जाहिरात द्या..अल्पदरात!!

कार्यालय:- कालिका देवी मंदिरा जवळ, संत रोहिदास चौक,
पंढरपूर गोपाळपूर रोड, तालुका क्रीडा कार्यालयासमोर, पंढरपूर

मुख्य संपादक-भगवान वानखेडे संपर्क- 8308838111