राज्यातील दुध उत्पादकांना ५ रुपये प्रतिलिटर अनुदान द्यावे – अजित पवार

पाण्याची बाटली २० रुपयाला मिळते मग दुधाला कमी भाव का ? शेतकऱ्यांच्या दुधाला जास्त दर देण्याची गरज असून याबाबत शासनाने लवकरात लवकर बैठक लावावी आणि नवीन वर्षाची सुरुवात दुध उत्पादक शेतकऱ्यांना दिलासा दयावा असेही अजित पवार म्हणाले. सरकार दुध उत्पादक शेतकऱ्यांना किंमत देत नाही, दुधाला दर देण्याबाबत सरकार फक्त तारीख पे तारीख देत आहे. सरकारने २७ रुपये दर जाहीर करुन देखील शेतकऱ्यांना २० ते २२ रुपये असा दर मिळत आहे. सरकारच्या चुकीच्या निर्णयामुळे राज्यातील दुध संघ बंद पडतील अशी भीती विधीमंडळ पक्षनेते अजित पवार यांनी यावेळी व्यक्त केली. यावेळी झालेल्या चर्चेत विरोधी पक्षनेते राधाकृष्ण विखे-पाटील, आ. अजित पवार, आ. गणपतराव देशमुख, आ. वैभव पिचड, आ. भारत भालके यांनी भाग घेतला.