गायक अभिजीतची ट्‍विटरवरून पुन्‍हा हकालपट्‍टी

ट्विटरने गायक अभिजित भट्‍टाचार्य याची पुन्‍हा एकदा हकालपट्‍टी केली. अभिजितचे काही दिवसांपूर्वी ट्विटरने अकाउंट बंद केले होते. त्यानंतर त्यांनी नवे अकाउंट सुरु केले होते.
अभिजीत यांनी @singerabhijeet हे नवे अकाउंट सुरु करुन पुन्हा एकदा सोशल मीडियात प्रवेश केला होता. मात्र ट्विटरने पुन्‍हा एकदा त्यांचे अकाउंट बंद केले.

महिलांवर आक्षेपार्ह विधान केल्यावरून ट्विटर इंडियाने अभिजीत यांचे अकाउंट बंद केले होते. अभिजीत यांना समर्थन देण्यासाठी गायक सोनू निगमने स्वतःहून ट्विटर सोडण्याचा निर्णय घेतला होता. 

नव्या ट्विटर अकाउंटवर अभिजीत यांनी एक व्हिडिओ पोस्ट केला होता. ‘जे देशाच्या आणि भारतीय लष्कराच्या विरोधात आहेत, मी त्याच्याविरुद्ध बोलणारच’, असे अभिजीतने व्हिडिओत म्हटले होते. तसेच जोपर्यंत माझे व्हेरिफाय अकाउंट पुन्हा सुरु होत नाही तोपर्यंत तुम्ही मला याच अकाउंटवर फॉलो करा. माझ्या नावाचे बाकी सर्व अकाउंट फेक आहेत, असे त्यांनी म्हटले होते.

सर्वात जलद, सर्वात लोकप्रिय! पंढरपूर लाईव्ह वर आपल्या व्यवसायाची जाहिरात द्या.. अल्पदरात!! 

मुख्य संपादक-भगवान वानखेडे संपर्क- 8308838111