लंडन

लंडनमध्ये तीन वेगवेगळ्या ठिकाणी दहशतवादी हल्ले झाल्याचं वृत्त आहे. लंडन ब्रिजवर एका भरधाव कारने पायी चालणाऱ्यांना चिरडले. यानंतर पोलीस घटना स्थळी दाखल झाले. यामुळे लंडन ब्रिज बंद करण्यात आला आहे.

एकूण ५ जण जखमी झाल्याचं सांगण्यात येतंय. तसंच लंडनमधील भुयारी रेल्वे स्टेशन्स बंद करण्यात आली आहेत. लंडन ब्रिजचा परिसरही रिकामा केला गेला आहे. पोलीस या प्रकरणी तिघांचा शोध घेत आहे, असं रॉयटर्स या वृत्त संस्थेचं म्हणणं आहे.

कारने दिलेल्या धडकेत आणि चाकू हल्ल्यात अनेक जण जखमी झाले आहेत. लंडन ब्रिजवर अनेकांना धडक दिल्यानंतर संशयित कार जवळच्याच बॉरो मार्केटच्या दिशेने गेली. यानंतर तिथे काहींवर चाकूने वार झाल्याचं सांगण्यात आलं. ब्रिटनच्या पंतप्रधान थेरेसा मे यांनी हा दहशतवादाचाच एक प्रकार असल्याचं म्हटलं आहे.