मुंबईलेखिका अरुंधती रॉय यांच्याबद्दल वादग्रस्त ट्विट करणारे अभिनेते, खासदार परेश रावल हे पुन्हा एकदा वादात सापडण्याची शक्यता आहे. ‘ मला पाकिस्तानी चित्रपट, मालिकांमध्ये काम करायला आवडेल’ असे विधान त्यांनी केले आहे. भारत-पाकिस्तान दरम्यान तणाव चिघळत असतानाच राव यांच्या या वक्तव्यामुळे नवा वाद निर्माण होण्याची शक्यता आहे.
‘ हमसफरसारख्या सगळ्या पाकिस्तानी मालिका मला आवडतात. त्यांचा अभिनय, स्क्रिप्ट, त्यांचे लेखन सगळंच चांगलं असतं. ते पाहून आपल्याकडच्या मालिका किती रटाळ असतात याची मला जाणीव होते. त्यामुळे मला पाकिस्तानी मालिका, त्यांच्या चित्रपटात काम करायला नक्की आवडेल’ असं रावल म्हणाले.
पाकिस्तानी कलाकार, क्रिकेटर्सना भारतात होणाऱ्या विरोधाबद्दलही त्यांनी भाष्य केले. ‘क्रिकेटर्स किंवा कलाकार बॉम्ब फेकत नाहीत, ना ते दहशतवादी आहेत. उलट ते दोन्ही देशातील दरी मिटवतात. पण जर वातावरण चांगलं नसेल तर असे मुद्दे उचलून धरण्यात काही अर्थ नाही. अशावेळी तुम्ही तुमच्या देशासोबत राहणंच योग्य असतं.’ पाकिस्तानी कलाकारांवर घालण्यात आलेली बंदी पटत नाही असेही रावल यांनी नमूद केले. ‘कोणावरही बंदी घालणं योग्य नाही. खरंतर ‘हिंदी मीडियम’ या चित्रपटातही पाकिस्तानी कलाकाराची भूमिका आहे. पण आत्ता वातावरण शांत आहे, म्हणून या मुद्यावर रणकंदन माजलेलं नाही’ असेही ते म्हणाले.
सर्वात जलद, सर्वात लोकप्रिय! पंढरपूर लाईव्ह वर आपल्या व्यवसायाची जाहिरात द्या.. अल्पदरात!! मुख्य संपादक-भगवान वानखेडे संपर्क- 8308838111
