नागपूर
महावितरणच्या प्रणालीमध्ये मोबाइल क्रमांक नोंदविलेल्या वीजग्राहकांना आता मराठी भाषेत सेवा मिळणार आहे. वीजबिलांसह इतर वीज सेवेसंबंधीची माहिती एसएमएसद्वारे आता मराठीतही उपलब्ध करून देण्यात आली असून, त्याचे ग्राहकांनी स्वागत केले आहे. सर्वांनाच कळेल, असा हा एसएमएस राहणार असल्याचे ग्रामीण भागातील नागरिकांचे म्हणणे आहे.
महावितरणच्यावतीने सध्या मोबाइल क्रमांक नोंदवलेल्या ग्राहकांना वीजबिलासंबंधीची माहिती पूर्वी एसएमएसव्दारे केवळ इंग्रजी भाषेतच दिली जायची. मात्र, आता ग्रामीण भागातील वीजग्राहकांच्या भाषेची अडचण लक्षात घेऊन मराठी भाषेतही एसएमएस सेवा उपलब्ध करून देण्यात आली आहे.
वीजग्राहकांचे वीजबिल तयार होताच ग्राहकाने किती वीज वापरली आहे, मीटर रीडिंग, एकूण वीजबिल किमी आहे. सध्याचे चालू रीडिंग अशा प्रकारची माहिती वीजग्राहकांना देण्याची प्रक्रिया सुरू झाली आहे. त्याचबरोबर वीजपुरवठा खंडीत झाल्यास अथवा ब्रेकडाऊन झाल्यास संबंधीत ग्राहकांचा वीजपुरवठा केव्हा सुरू होईल याची माहितीदेखील मराठी एसएमएसच्या माध्यमातून तातडीने मिळणार आहे. यासाठी वीजग्राहकांनी मोबाइल क्रमांक महावितरणकडे नोंदविलेल्या मोबाइल क्रमांकावरून मराठी भाषेसाठी कॅपिटलमध्ये एमएलऐएनजी टाइप करून स्पेस देऊन आपला बारा अंकी ग्राहकक्रमांक टाकावा. त्यानंतर स्पेस देऊन एक क्रमांक टाकून ९२२५५९२२५५ या क्रमांकावर पाठवता येईल.
ग्राहकाभिमुख सेवा प्रदान करण्यासाठी महावितरण सातत्याने प्रयत्न करीत आहे. अद्ययावत तंत्रज्ञानाचा अवलंब करत ग्राहकहिताचे अनेक उपक्रम महावितरण राबवत आहे. या सर्व सेवा सुविधा प्राप्त होण्यासाठी वीजग्राहकांनीही एक पाऊल पुढे येत आपला मोबाइल क्रमांक महावतिरणच्या प्रणालीमध्ये नोंद करणे अत्यावश्यक आहे. त्यामुळे नागपूर परिमंडळातील वीज ग्राहकांनी मोबाइल क्रमांक नोंदवावा तसेच मोबाइल वापर वाढवावा, असे आवाहन महावितरणतर्फ़े करण्यात आले आहे.
वीजग्राहकांचे वीजबिल तयार होताच ग्राहकाने किती वीज वापरली आहे, मीटर रीडिंग, एकूण वीजबिल किमी आहे. सध्याचे चालू रीडिंग अशा प्रकारची माहिती वीजग्राहकांना देण्याची प्रक्रिया सुरू झाली आहे. त्याचबरोबर वीजपुरवठा खंडीत झाल्यास अथवा ब्रेकडाऊन झाल्यास संबंधीत ग्राहकांचा वीजपुरवठा केंव्हा सुरू होणार आहे, याची माहितीदेखील मराठी एसएमएसच्या माध्यमातून तातडीने मिळणार आहे.
