पंढरपूर Live 10 jun
पंढरीच्या चंद्रभागेत बुडून चार बालकांचा करुण अंत झाल्याची दुर्दैवी घटना आज घडली आहे.
गणेश जुमाळे (वय ८), धीरज जुमाळे (वय ८), श्रीपाद शहापूरकर(वय ६), सौरभ शहापूरकर(वय ६) सर्व रा. विजापूर गल्ली, पंढरपूर अशी मयत झालेल्या दुर्दैवी बालकांची नावे आहेत.
चंद्रभागा घाट परिसरात दु. साडेचार वाजणेच्या सुमारास पाच मुले नदीपात्रात पोहोन्यास गेले असताना वाळुमुळे पडलेल्या खड्डयांचा अंदाज न आलेने ही मुले बुडाली. ह्या पाच पैकी सुदैवाने एक मुलगा वाचला आहे केदार जुमळ असे ह्या मुलाचे नाव असून त्यानेच ही माहिती दिलेली आहे असे समजते
येथील उपजिल्हा रुग्णालयात या बालकांवर उपचार सुरु असताना त्यांचा दुर्दैवी म्रुत्यु झाला.
ही बातमी कळताच उपजिल्हा रुग्णालयात नागरिकांनी गर्दी केली होती. यावेळी सदर बालकांचे आईवडील व नातेवाईकांना शोक अनावर झाला होता.
गहिवरून टाकणा-या या ह्रदयद्रावक घटनेबाबत सर्वत्र हळहळ व्यक्त होत आहे
