युटोपियन शुगर्सचे चालू गळीत हंगामाकरिता ६ लाख मे.टन गाळपाचे उद्दिष्ट :- उमेशराव परिचारक

             कचरेवाडी ता.मंगळवेढा  येथील युटोपियन शुगर्स कारखान्याने गळीत हंगाम २०१७-२०१८ ची तयारी पूर्ण केली आहे. पूर्वतयारीचा एक भाग म्हणून आज मिल रोलरचे पूजन होत आहे. चालू गळीत हंगामामध्ये ऊस उत्पादक व कर्मचारी वर्ग यांच्या विश्वासावरच ६ लाख मे.टन ऊस गाळपाचे उद्दिष्ट युटोपियन पूर्ण करेल असा विश्वास युटोपियन शुगर्स चे संस्थापक – चेअरमन मा .उमेशराव परिचारक यांनी व्यक्त केला. 

              सदर प्रसंगी कारखान्याचे चार्टर्ड अकौंटंट मा. आर .व्ही .बजाज ,दि .पंढरपूर अर्बन बँकेचे मुख्य कार्यकारी अधिकारी मा. उमेश विरधे,कर्मयोगी पतसंस्थेचे संचालक मा. सी .एन. देशपांडे ,बाळासाहेब थोपटे ,मिलिंद बडवे यांचे समवेत कारखान्याचे सर्व खाते प्रमुख ,अधिकारी व कर्मचारी वर्ग मोठ्या प्रमाणात उपस्थित  होता . 

              पुढे बोलताना श्री .परिचारक म्हणाले की,युटोपियन शुगर्स ने मागील सर्वच गळीत हंगामामध्ये समाधानकारक कामगिरी केली आहे. एफ.आर.पी रकमेपेक्षा जास्त रक्कम युटोपियन ने आपल्या ऊस उत्पादकांना दिलेली आहे . गळीत हंगाम २०१६-२०१७ मध्ये दुष्काळी परिस्थिती  असताना सुद्धा चांगले गळीत  केले आहे . चालू वर्षी ऊस उत्पादकांकडे ऊसाची  उपलब्धता चांगली असून पांडुरंग परिवाराचे कुटुंब प्रमुख आदरणीय माजी आमदार श्री सुधाकरपंत परिचारक साहेबांच्या नावलौकिकामुळे व युटोपियन शुगर्स हा पांडुरंग परिवाराचाच असल्याने युटोपियन कडे ऊस उत्पादकांनी मोठ्या प्रमाणात नोंदी दिलेल्या आहेत . कारखाना नवीन असल्यामुळे व मागील वर्षीच्या  दुष्काळी परिस्थिती मुळे कामगार वर्गाच्या पगारीमध्ये वाढ करण्याचे राहिले होते.पगार वाढीबाबत सकारात्मक निर्णय लवकरच आम्ही घेणार आहोत. तसेच कर्मचारी व अधिकारी वर्गानेही आपले संपूर्ण कौशल्य पणाला लावून चालू गळीत हंगाम हा यशस्वीपणे चालवावा असे आवाहन श्री .परिचारक  यांनी केले.