लातुरात अल्पवयीन मुलींची तस्करी…वधूवर सूचक मंडळाच्या नावाखाली अनैतिक प्रकार

 सर्वात जलद, सर्वात लोकप्रिय! पंढरपूर Live

मुख्य संपादक– भगवान वानखेडे संपर्क- 8308838111/8552823399

mail- livepandharpur@gmail.com

कार्यालय:- कालिका देवी मंदिरा जवळ, संत रोहिदास चौक,
पंढरपूर गोपाळपूर रोड, तालुका क्रीडा कार्यालयासमोर, पंढरपूर

 ………………………………………………..

पंढरपूर Live 4 August 2017

आरोपी काँग्रेस कार्यकर्ती; वधूवर सूचक मंडळाच्या नावाखाली अनैतिक प्रकार

लातुरात वधूवर सूचक मंडळाच्या नावाखाली अल्पवयीन मुलीच्या तस्करीची टोळी उजेडात आली आहे. या प्रकरणातील आरोपी ही काँग्रेसची कार्यकर्ती असल्याने त्याला राजकीय वळण लागले आहे. भाजप आणि काँग्रेसमध्ये परस्परांवर आरोप-प्रत्यारोप सुरू झाले आहेत.

महिनाभरापूर्वी लातूर शहरातील एका अल्पवयीन मुलीचे अपहरण झाले. संबंधित महिलेने पोलीस ठाण्यात तक्रार दाखल केली व एका महिलेवर संशय व्यक्त केला. संशयाचे धागेदोरे लक्षात घेऊन पोलिसांनी तपास सुरू केला अन् पोलिसांच्या हाती अतिशय खळबळजनक माहिती आली. शहरातील पूनम शहाणे ही महिला वधूवर सूचक मंडळ चालवीत असे व या माध्यमातून मुलींना पळवून नेऊन त्यांचे लग्न लावून देत असे व त्या बदल्यात वराकडील मंडळींकडून पसे उकळत असे. पूनम शहाणे व तिच्यासोबतच्या दहा जणांना पोलिसांनी अटक केली व न्यायालयाने पाच दिवसांची पोलीस कोठडी दिली. हे वधूवर सूचक मंडळ किती वर्षांपासून चालू होते, या मंडळाच्या अंतर्गत आतापर्यंत किती विवाह लावण्यात आले, नेमका किती आर्थिक व्यवहार झाला, यात दहा जणांव्यतिरिक्त आणखी किती मंडळी गुंतलेली आहेत, या बाबींचा तपास पोलिसांकडून केला जातो आहे.