पत्रकार संरक्षण समितीच्या मुंबई अध्यक्षपदी प्रकाश संकपाळ यांची निवड

मुंबई – “ना जातीसाठी , ना मातीसाठी ” लढाई फक्त पञकारांच्या न्याय व हक्कासाठी..हे ब्रीदवाक्य घेऊन कार्य करणाऱ्या ‘पत्रकार संरक्षण समिती’ ने मुंबई अध्यक्षपदाची धुरा प्रकाश संकपाळ यांच्या खांद्यावर सोपविली आहे.


प्रकाश संकपाळ हे गेली ३० वर्ष पत्रकारिता क्षेत्रात कार्यरत आहेत.सुरुवातीला सिंधुदुर्ग जिल्ह्यातील दैनिक ‘सिंधुदुर्ग समाचार’ या वृत्तपत्रातून त्यांनी आपल्या पत्रकारितेस सुरुवात केली.त्यानंतर दैनिक नवाकाळ, सामना,सत्यवार्ता जनमत,पोलीस टाईम्स अशा विविध वृत्तपत्रातून त्यांनी विपुल लिखाण केले आहे.


मात्र गेली अनेक वर्षे त्यांची नाळ दैनिक ‘सत्यवार्ता’ शी जुळली गेल्याने सहसंपादक या पदावर काम करीत आहेत.



संकपाळ हे शासनाच्या विविध अशासकीय समितीवर सदस्य आहेत त्यांच्या कार्याची दखल घेऊन विविध सामाजीक संघटनांनी अनेक पुरस्कारांनी त्यांना सन्मानित केले आहे तसेच त्यांचे पत्रकारितेतील योगदान लक्षात घेऊन ‘पत्रकार संरक्षण समिती’ चे  राज्य अध्यक्ष विनोद पत्रे यांनी त्यांची मुंबई अध्यक्षपदाची जबाबदारी दिली आहे.