तिसंगी (प्रतिनिधी)- पंढरपूर तालुक्यातील तिसंगी येथील मोहन रजपूत यांच्या विहिरीमध्ये काल दि. ३ एप्रिल रोजी दुपारी १ ते २ च्या दरम्यान अंदाजे ४५ ते ५० वयोमान असलेल्या अज्ञात महिलेचे प्रेत आढळून आले. गावच्या पोलिस पाटलांनी ही घटना पंढरपूर ग्रामीण पोलीस ठाण्यात कळवल्यानंतर पोलीस घटनास्थळी दाखल झाले.
काल दुपारी ५ ते साडेपाच वाजण्याच्या सुमारास सदर महिलेचा मृतदेह विहिरीतून बाहेर काढला. पोलिसांनी पंचनामा करून मृतदेह उत्तरीय तपासणीसाठी पाठवला आहे. सदर महिलेच्या अंगावरील स्टोनमध्ये (रुमाल) २० रु. च्या ४ नोटा, १० रु.ची १ नोट व ५ रू. चे १ नाणे असे एकूण ९५ रूपये आढळून आले आहेत. साधारण ४ ते ५ दिवसांपूर्वी ही महिला विहीरीत बुडली असावी. अधिक तपास पंढरपूर ग्रामीण पोलीस ठाण्याचे एएसआय आटपाडकर हे करत आहेत.
या महिलेने आत्महत्या केली की तिचा खुन झाला याबाबतचे गुढ कायम आहे.
पंढरीचे सर्वात आधीचे ई-न्युज वेब चॅनल ” पंढरपूर Live ”
