नवी दिल्ली
भ्रष्टाचाराच्या आरोपांनी हादरून गेलेले दिल्लीचे मुख्यमंत्री आणि आम आदमी पक्षाचे नेते अरविंद केजरीवाल यांनी आज अखेर मौन सोडले आहे. त्यांनी एक टि्वट केले असून त्यात देशातील एका मोठ्या षडयंत्राचा दिल्ली विधानसभेत आज पर्दाफाश करणार असल्याचं जाहीर केलं आहे. त्यामुळे केजरीवाल कोणता गौप्यस्फोट करणार आहेत, याकडे देशाचे लक्ष लागले आहे.
केजरीवाल सरकारमधील बडतर्फ मंत्री कपिल मिश्रा यांनी केजरीवाल यांच्यावर दोन कोटी रूपयाची लाच घेतल्याचा आणि मेव्हण्यासाठी ५० कोटीच्या भूखंडाचा व्यवहार केल्याचा आरोप केला होता. दिल्लीचे नायब राज्यपाल अनिल बैजल यांनी त्याची गंभीर दखल घेत हे प्रकरण एसीबीकडे सोपविले होते. त्याशिवाय कपिल मिश्रा यांनी केजरीवाल यांच्यावर फौजदारी गुन्हा दाखल करणार असल्याचा इशाराही दिला होता. शिवाय आजपासून दिल्ली विधानसभेचे अधिवेशन सुरू होणार असल्याने केजरीवाल यांच्या भ्रष्टाचाराचे प्रकरण गाजण्याचे चिन्ह होते. यापार्श्वभूमीवर केजरीवाल यांनी हे टि्वट केलं आहे.
देश में चल रहे एक बहुत बड़े षड्यंत्र का सच आज सदन में सौरभ भारद्वाज देश के सामने रखेंगे। उन्हें ज़रूर सुनियेगा। सत्यमेव जयते।
— Arvind Kejriwal (@ArvindKejriwal) 9 May 2017
‘देशात सुरू असलेल्या एका मोठ्या षडयंत्राचा आज पर्दाफाश होणार आहे. सौरभ भारद्वाज विधासनसभेत हा पर्दाफाश करून वस्तुस्थिती देशासमोर ठेवणार आहे. त्यामुळे भारद्वाज यांचं भाषण अवश्य ऐका. सत्यमेव जयते,’ असं टि्वट केजरीवाल यांनी केल्यानं संपूर्ण देशाचं लक्ष दिल्ली विधानसभेकडे लागले आहे.
सर्वात जलद, सर्वात लोकप्रिय!
पंढरपूर लाईव्ह वर आपल्या व्यवसायाची जाहिरात द्या..
अल्पदरात!!
मुख्य संपादक-भगवान वानखेडे
संपर्क- 8308838111
